ҺАВА ТОРЫШЫ +4 oC

Яңалыклар

барлык хәбәрләр Татарстан Россия

Мәдәният

Татар җырчысы Җәваһирә Сәләхова якты дөнья белән хушлашты

25 декабрь 2009, 21:27

Кичә Габдулла Тукай исемендәге Татар дәүләт филармониясе солисткасы булган Җәваһирә Сәләхова якты дөньядан китеп барды
(Казан, 25 декабрь, “Татар-информ”). Кичә Габдулла Тукай исемендәге Татар дәүләт филармониясендә XX гасырның 40-60 елларында солист-вокалчы булган Җәваһирә Сәләхова якты дөньядан китеп барды.
Җәваһирә Сәләхова 1925 елда Балтач районы Түбән Кенә авылында дөньяга килә. Бөек Ватан сугышы елларында иҗат итә башлый. 16 яшендә ТАССР җыр һәим бию ансамблендә җырлый башлый. 1942 елда Җәваһирә Татар дәүләт филармониясенә эшкә килә. Озак еллар Рәшит Ваһапов, Галия Кайбицкая кебек татар халык җырчылары белән бергә татар милли җыр сәнгатен үстерүгә зур өлеш кертә. Ул Салих Сәйдәшев, Мансур Мозаффаров, Җәүдәт Фәйзи, Александр Ключарев, Рөстәм Яхин кебек татар композиторлары көйләрен башкара. Җәваһирә Сәләхова аеруча халык җырлары башкаруы белән халык мәхәббәтен яулый.
Татар эстрадасы ветераны булган Җәваһирә Сәләхова үз таланты белән халык ихтирамын казана. Татар дәүләт филармониясендә җырчы 25 ел иҗат итә. Иҗатта зур уңышларга ирешкән артистка күпсанлы грамоталар белән бүләкләнә. ТАССРның атказанган артисткасы белән хушлашу иртәгә филармониянең Концертлар залында 10 сәгатьтә узачак, дип хәбәр итә филармониянең матбугат хезмәте.
Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10