Чиләбедә 1993 елгы үсмерләр хоккей командалары арасында Россия беренчелегенең финал ярышлары тәмамланды

(Казан, 10 март, “Татар-информ”). Чиләбе шәһәрендә 1993 елгы үсмерләр хоккей командалары арасында Россия беренчелегенең финал ярышлары тәмамланды. Казанның “Ак Барс” юниорлары “Нефтяник” (Әлмәт), “Металлург” (Новокузнецки), “Салават Юлаев” (Уфа), “Трактор”дагы (Чиләбе) яшьтәшләрен җиңеп, финалда Ярославль “Локомотив”ын отып, Россия чемпионы исемен яулады.
“Барс”ларның КХЛ да чыгыш ясаучы өлкән туганы “Ак Барс” өчен хәлиткеч уеннар әле башлана гына.11 һәм 12 март көннәрендә “Татнефть Арена”да Зиннәтулла Биләлетдинов шәкертләре Астана “Барыс”ына каршы чирек финал этабының беренче ике очрашуын уздыра.