ҺАВА ТОРЫШЫ -10 oC

Яңалыклар

барлык хәбәрләр Татарстан Россия

Мәдәният

Татар халкы Мәхмүт Әхмәтҗанов белән хушлаша

5 апрель 2010, 12:47

83 яшендә күренекле язучыбыз, педагогик һәм публицист Мәхмүт Әхмәтҗанов арабыздан китеп барды
(Казан, 5 апрель, “Татар-информ”). Кичә 83 яшендә күренекле язучыбыз, педагогик һәм публицист Мәхмүт Әхмәтҗанов арабыздан китеп барды.
Мәхмүт Рәхим улы Әхмәтҗанов 1927 елда Башкортстан ягында туа. 1950-1959 елларда республикабызның Әгерҗе шәһәрендәге урта мәктәптә тарих укытучысы була. 1959-70 елларында “Совет мәктәбе” журналында бүлек мөдире вазифасын башкара. 1973-88 елларда Казан дәүләт педагогия институтының педагогика кафедрасында эшли. Хезмәтләре яшьләргә әхлакый һәм гаилә тәрбиясе бирү мәсьәләләренә багышлана. Аның “Килер бер көн”, “Тормыш мизгелләре” дигән китаплары татар укучысына яхшы билгеле. Публицист буларак язучы Башкортстанда яшәүче татар халкы проблемаларын яктырта. Мәхмүт Әхмәтҗанов – Кол Гали исемендәге халыкара һәм Х.Ямашев исемендәге премияләр лауреаты.
Бүген Мәхмүт Әхмәтҗановны соңгы юлга туганнары, якын дуслары һәм хезмәттәшләре – татар әдипләре, мөгаллимнәре, журналистлары озата. Язучы Казандагы зиратларның берсендә күмелә.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10