Дөрес, бу трамвайларга гына кагыла

(Казан, 1 июль, “Татар-информ”). 3 июльдән башлап, Казанның Казансу елгасы аша салынган Ленин дамбасыннан трамвайлар йөрмәячәк. Бу исә Декабристлар урамында юл аермасы төзү һәм Ленин дамбасы реконструкцияләүгә бәйле.

Шул рәвешле, тимер юл вокзалына кадәр барырга тиешле 9 нчы трамвай маршруты “Химическая ур. – Дементьев ур.” итеп үзгәртелә. Киров районы аша яңа трамвай линиясе ачылганчыга кадәр 2 нче трамвай депосына юл ябык булуга карамастан, “Тимер юл вокзалы – Төзелеш институты” маршруты буенча 2 нче номерлы, “Борисково бистәсе – Тимер юл вокзалы” маршруты буенча 3 нче, “Тимер юл вокзалы – Елга порты” буенча пассажир ташый торган 7 нче трамвайлар эше саклана һәм төнлә ул “тимер ат”лар тимер юл вокзалы тукталышы турысында ял итә, диелә Казан шәһәре Думасы аппаратының җәмәгатьчелек һәм мәгълүмат чаралары белән элемтәләр бүлеге.

Декабристлар урамыннан тимер юл вокзалына таба барырга кирәк булган пассажирлар 12, 74, 74 а маршрут автобуслары һәм 18 нче трамвайга утыра ала.