ТР Җир һәм мөлкәт мөнәсәбәтләре министрлыгы предприятиеләр арасында бу хакта килешү төзүгә хокук алу өчен бәйге игълан итте

(Казан, 7 июль, “Татар-информ”). ТР Җир һәм мөлкәт мөнәсәбәтләре министрлыгы предприятиеләр арасында Казанның Портовая урамында урнашкан причалны ышанычлы идарәгә тапшыруга килешү төзүгә хокук алу өчен бәйге игълан итте.
Причалның озынлыгы 870 м. Ул пассажирлар ташуда максатчан файдаланырга тиеш. Ышанычлы идарә килешүе 5 елга төзеләчәк. Заявкалар 5 июльдән 13 августка кадәр кабул ителә. Бәйгедә катнашучыларга куела торган төп таләпләр- предприятиеләрнең узган ел өчен барлык дәрәҗәдәге бюджетларга һәм бюджеттан тыш фондларга бурычлары, аларның бөлгенлеккә чыгуы һәм конкурс производствосы башлану турында арбитраж суд карары булмау. Бәйгегә 16 августта нәтиҗәләр ясалачак. Килешүнең үтәлеше өчен иң яхшы шартлар тәкъдим итүче җиңүче дип табылачак.