ҺАВА ТОРЫШЫ +24 oC

Яңалыклар

барлык хәбәрләр Татарстан Россия
×

Рәсми Татарстан

Сишәмбе Татарстанда матәм көне дип игълан ителде

11 июль 2011, 10:26

Бу хакта Татарстан Президенты Иделдә баткан теплоходтагы пассажирларның туганнары белән очрашуда белдерде

(Казан, 11 июль, «Татар-информ», Сергей Семеркин). “Булгария” теплоходы һәлакәтендә үлүчеләр булу сәбәпле, сишәмбе Татарстанда матәм көне дип игълан ителде.
Бу хакта Татарстан Президенты Рөстәм Миңнеханов Иделдә баткан теплоходтагы пассажирларның туганнары белән очрашуда белдерде, дип хәбәр итә ТР Президенты матбугат хезмәте. Бүген ТР Президенты тиешле Указга кул куячак.
Искәртеп үтәбез, “Булгария” теплоходы белән булган фаҗига белән бәйле рәвештә, Татарстан Президенты Рөстәм Миңнеханов җәйге ялын өзеп, ашыгыч рәвештә Казанга кайтты һәм судно баткан урында булды.
Ул оператив штаб ачылган Куйбышевский Затон авылында киңәшмә үткәрде, аннары катерда фаҗига урынына китте.
“112” һәм оператив штабта(843) 227-46-56 кайнар линия телефоннары эшли, алар буенча коткарылган, зыян күргән һәм үлүчеләр хакында мәгълүмат алып була.

 

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10