ҺАВА ТОРЫШЫ +14 oC

Яңалыклар

барлык хәбәрләр Татарстан Россия

Фән һәм мәгариф

2017 елда Казанда алты балалар бакчасында капиталь ремонт ясалачак

24 август 2016, 12:08

Илсур Һадиуллин сүзләренчә, Казанда әле 18 мәктәптә капиталь ремонт эшләрен төгәллисе калган

(Казан, 24 август, «Татар-информ», Надежда Гордеева, Надия Шәйхетдинова). 2017 елда Татарстан башкаласында алты балалар бакчасында капиталь ремонт планлаштырыла. Бу хакта бүген Казан мәгариф оешмалары хезмәткәрләренең “Казанның мәгариф системасы – белем бирү мөмкинлекләре мәйданы” дип аталган август киңәшмәсендә шәһәр башкарма комитетының Мәгариф идарәсе башлыгы Илсур Һадиуллин җиткерде.

Конференция эшендә ТР Премьер-министры урынбасары – мәгариф һәм фән министры Энгель Фәттахов, Казан мэры Илсур Метшин, ТР Президенты ярдәмчесе Ләйлә Фазлыева, шәһәр башкарма комитеты җитәкчесе Денис Калинкин, ТР Дәүләт Советының мәгариф, мәдәният, фән һәм милли мәсьәләләр буенча комитеты рәисе Разил Вәлиев һәм башка җитәкчеләр катнашты.

И. Һадиуллин сөйләгәнчә, Президент программасы ярдәме белән Казан мәктәпләренең дүрттән өч өлешенә капиталь ремонт үткәрелгән. Татарстан районнарында балалар бакчаларын ремонтлау бара, ә Казанда әле 18 мәктәптә капиталь ремонт эшләрен төгәллисе калган. Моңа 400 млн сум акча таләп ителә.

Докладчы шулай ук паркны яңарту максатыннан Мәгариф һәм фән министрлыгында булган транспорт чараларыннан дүрт автобус бүленеп бирелүен, тагын коррекцион мәктәпләр өчен алты автобус җитмәвен белдерде.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10