ҺАВА ТОРЫШЫ +9 oC

Яңалыклар

барлык хәбәрләр Татарстан Россия
МӨҺим
Татар яшьләре спектакль эскизы аша “Мергасов йорты” серләрен ача
27 майның төп вакыйгалары - фото һәм сылтамалар
Рөстәм Миңнеханов Казанның тарихи үзәгендәге объектларны төзекләндерү эшләре белән танышты
Татарстан гаиләләре Марий Элдагы гаилә ансамбльләре фестивалендә катнашкан
Бүген Үзбәкстанда Сабан туйлары уза

Җәмгыять

Дәүләт Советында Азнакай чикләрен киңәйтү турындагы республика законы проекты расланды

8 сентябрь 2016, 22:18

Шәһәр мәйданын арттыру күп балалы гаиләләрне җир кишәрлекләре белән тәэмин итү өчен территория бирү белән бәйле

 (Казан, 8 сентябрь, «Татар-информ»). Татарстан Дәүләт Советының Дәүләт төзелеше һәм җирле үзидарә комитеты Азнакай шәһәре чикләрен киңәйтү турындагы республика законы проектын раслады дип хәбәр итә Татарстан парламенты матбугат хезмәте.

Бүген Татарстан Дәүләт Советының Дәүләт төзелеше һәм җирле үзидарә комитетының утырышы узды. Комитет рәисе Альберт Хәбибуллин алып барган утырышта Татарстан Дәүләт Советы Рәисе урынбасары Римма Ратникова катнашты.

Утырышта Татарстан юстиция министры урынбасары Рөстәм Заһидуллин "Дәүләт төзелеше һәм җирле үзидарә өлкәсендә Татарстан законнары тарафыннан кабул итү каралган норматив хокукый актларын эшләү барышы турында"гы мәгълүмат белән чыгыш ясады.

Шулай ук утырышта депутатлар Азнакай шәһәре чикләрен үзгәртү турындагы республика законы проектын хупладылар. Аның мәйданын составына Әгерҗе һәм Уразай авыл җирлекләре җирләренең бер өлешен кертү исәбенә арттыру планлаштырыла. Шәһәр мәйданын арттыру күп балалы гаиләләрне җир кишәрлекләре белән тәэмин итү өчен территория бирү белән бәйле.

Моннан тыш, комитет кайбер республика законнарын федераль законнарга туры китерү турындагы закон проектларын карады.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10