ҺАВА ТОРЫШЫ -6 oC

Яңалыклар

барлык хәбәрләр Татарстан Россия

Дин

"Хозур" нәшрият йорты Коръәннең яңа басмасын сатуга чыгарган

27 сентябрь 2016, 13:09

Ел ярым дәвамында Коръәнне әзерләүдә Татарстан мөселманнары Диния нәзарәте белгечләре, шулай ук чит ил галимнәре катнашкан.

(Казан, 27 сентябрь, «Татар-информ»). Узган атнада киң җәмәгатьчелеккә презентацияләнгән яңа Коръән басмасы сатуга куелды. Хәзер бөтен теләүчеләр аны Казан, Газовая урамы, 19 йорт адресы буенча "Хозур" нәшрият йортының фирма кибетендә һәм www.huzurshop.ru интернет-кибетендә сатып алачак.

Ел ярым дәвамында Коръәнне әзерләүдә Татарстан мөселманнары Диния нәзарәте белгечләре, шулай ук чит ил галимнәре катнашкан. Басма өчен яңа уникаль басма шрифт эшләнгән. Һәр хәреф аерым язылган, өстәмә билгеләр бер дәрәҗәдә. Шулай ук басманың халыкара стандартларга туры килүе дә мөһим. Бу басманың үзенчәлеге хәрефләр саны буенча тарихта Изге китапның беренче нөсхасенә туры килүдән гыйбарәт.

Яңа Коръән җиңел укылуы һәм ятлануы белән аерылып тора. Укучыларга уңайлы булсын өчен гарәп авазлары кагыйдәләре билгеләнгән. Моннан тыш, Коръәннән бүлекләрне эзләп табу өчен номерлар куелган.

Искәртеп үтик: Казан Коръән басмалары белән дан тота. Юкка гына "Коръән иңгән - Хиҗазда, матур иттереп язылган - Истанбулда, гүзәл иттереп укылган - Каһирәдә, беренче мәртәбә басылган - Казанда" дип әйтмәгәннәрдер.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10