ҺАВА ТОРЫШЫ +24 oC

Яңалыклар

барлык хәбәрләр Татарстан Россия

Сәясәт

Илдар Гыйльметдинов Дәүләт Думасы Милләтләр эше комитеты рәисе итеп расланды

5 октябрь 2016, 16:32

Айрат Хәйруллин һәм Александр Сидякин Дәүләт Думасы комитетлары рәисләре урынбасарлары булдылар.

(Казан, 5 октября, «Татар-информ», Александр Долгов). Бүген җиденче чакырылыш Дәүләт Думасының Татарстаннан сайланган депутаты, татарларның Федераль милли-мәдәни мөхтәрияте рәисе Илдар Гыйльметдинов Дәүләт Думасының Милләтләр эше комитеты рәисе итеп расланды.

Исегезгә төшерәбез: Илдар Гыйльметдинов кандидатурасы әлеге вазифага «Бердәм Россия» Генераль советы президиумы тарафыннан 28 сентябрьдә тәкъдим ителгән иде. 30 сентябрьдә Дәүләт Думасында «Бердәм Россия» партия фракциясе Татарстаннан депутат кандидатурасын раслады.

Шулай ук бүген Татарстаннан Дәүләт Думасына сайланган депутатлар Айрат Хәйруллин һәм Александр Сидякин Дәүләт Думасы комитетлары рәисләре урынбасарлары постын биләделәр.

Айрат Хәйруллин Аграр мәсьәләләр комитеты рәисе урынбасары, ә Александр Сидякин Торак-коммуналь хуҗалыгы һәм торак сәясәте комитеты рәисенең беренче урынбасары булды. Комитет рәисләре һәм урынбасарлары итеп раслау карарын исемлек буенча, депутатлар бертавыштан кабул итте.

Исегезгә төшерәбез: элек «Бердәм Россия» һәм оппозицион партияләр арасында комитет рәисләре вазифасы тигез бүленгән.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10