ҺАВА ТОРЫШЫ -18 oC

Яңалыклар

барлык хәбәрләр Татарстан Россия
МӨҺим
23 февральнең төп вакыйгалары - фото һәм сылтамалар
Татарстанда шактый салкынайтачак һәм томан төшәчәк
Татарстанда милли-мәдәни иҗтимагый оешмаларга 10 миллион бүлеп биреләчәк
#атнабай флешмобына Артем Пискунов кушылды
Бәкердә “Запорожец”лар узышты

Рәсми Татарстан

Татарстан һәм Латвия Президентлары Рига замогында очрашты

5 октябрь 2016, 19:22

Татарстан һәм Латвия Президентлары Рига замогында очрашты Раймондс Вейонис Татарстан делегациясе сәфәрен республикалар арасындагы хезмәттәшлекне ныгытуда мөһим вакыйга дип атады.

(Казан, 5 октябрь, «Татар-информ»). Бүген Татарстан Президенты Рөстәм Миңнеханов Латвия Республикасы Президенты Раймондс Вейонис белән очрашты. Бу хакта ТР Президенты матбугат хезмәте хәбәр итә.

Очрашу Рига замогында (Президент Сарае) үткән. Соңрак очрашу киңрәк даирәдә дәвам иткән. Анда Татарстан Премьер-министр урынбасары – сәнәгать һәм сәүдә министры Альберт Кәримов, ТР Президенты ярдәмчесе Радик Гыйматдинов, ТР Инвестиция үсеше агентлыгы җитәкчсесе Талия Миңуллина һәм башка рәсми затлар катнашкан.

“Татарстан делегациясе сәфәре мәдәният, мәгариф һәм башка тармакларда хезмәттәшлекне ныгытуда бик мөһим”, дип билгеләп үткән Раймондс Вейонис үзенең тәбрикләү сүзендә. Аннан очрашу ябык режимда дәвам иткән. Төп фикерләшү темасы эшлекле бәйләнешләрне һәм үзара хезмәттәшлекне киңәйтү булган.

Татарстан Президенты шәрәфле кунаклар китабында язу калдыргаг. “Латвия Республикасы җитәкчелегенә Татарстанга булган игътибар һәм Латвия җирендә җылы кабул итү оештырылган өчен рәхмәтлемен. Әлеге сәфәр  һәм очрашулар яңа импульс бирер, Россия һәм Латвия арасындагы хезмәттәшлекне ныгытыр, дип уйлыйм”, – дип язган ул анда.

Исегезгә төшерәбез: Рөстәм Миңнеханов җитәкчелегендәге Татарстан делегациясе ике көнлек эшлекле сәфәр белән Ригада. Республика Президент Татарстан-Латвия форумында эшлекле даирәләр белән очрашу, Латвия предприятиеләрендә булырга ниятли.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр