ҺАВА ТОРЫШЫ +3 oC

Яңалыклар

барлык хәбәрләр Татарстан Россия

Җәмгыять

Түбән Кама шәһәрендә 150 меңенче бала туган, шул уңайдан гаиләгә фатир бүләк ителә

28 октябрь 2016, 10:20

Сабыйның әти-әнисе – “Нижнекамскнефтехим” ГАҖ хезмәткәрләре.

 (Казан, 28 октябрь, “Татар-информ”). Түбән Каманың юбилеена шәһәрдә туган 150 меңенче сабый гаиләсенә 1 бүлмәле фатир бүләк вәгъдә ителде. Шуның буенча былтыр 30 ноябрьдә “Түбән Каманың 50 еллыгына 150 меңенче бала” проекты (генераль химаячысы – “Эссен” гипермаркетлар сәүдә челтәре) рәсми гамәлгә кертелә башлаган иде. Һәм менә бүген иртәнге 6 сәгать 25 минутта Түбән Камада 150 меңенче сабый – гәүдә авырлыгы 3720 гр һәм буе 52 см булган ир бала фани дөньяга килгән. Бу хакта муниципалитетның e-nkama.ru сайты һәм “Новости Нижнекамска” басмасы хәбәр итте.

Әлеге шәһәрдә туган 150 меңенче сабый Галиевлар гаиләсендә икенче бала булып дөньяга килгән (гаиләнең беренче баласы да – малай). Ирле-хатынлы Галиевлар “Нижнекамскнефтехим”да эшли: әтиләре – участок мастеры, хәзерге вакытта декрет ялында булган 25 яшьлек әни кеше – кладовойда.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10