ҺАВА ТОРЫШЫ +14 oC

Яңалыклар

барлык хәбәрләр Татарстан Россия

Хәвеф-хәтәр

Казанның 32 нче мәктәбендә янгын чыккан

30 ноябрь 2016, 14:36

Янгын сүндерүчеләр балаларны бинадан чыгарган, янгынны сүндергән, төтен эчендә калган мәктәпнең икенче һәм өченче катларын да тикшерә башлаган.

(Казан, 30 ноябрь, “Татар-информ”) Казанның 32 нче урта мәктәбендә янгын чыккан. Бу хакта Россия Гадәттән тыш хәлләр министрлыгының Татарстан буенча Баш идарәсе матбугат хезмәте хәбәр итте.

Янгын бүген 13.23 сәгатьтә мәктәпнең беренче катындагы бүлмәдә чыккан. Янгын сүндерүчеләр килеп җитеп, бөтен укучыларны, укытучыларны – барлыгы 500дән артык кешене бинадан чыгарган. Балалар янәшәдәге Тарпищев исемендәге теннис академиясенә һәм 15 нче мәктәпкә күчерелгән. Янгын 13.28 сәгатьтә Казан янгын сүндерү-коткару гарнизоны көче белән сүндерелә. Янгын мәйданы 15 квадрат метрны тәшкил иткән. Төтен эчендә калган мәктәп бинасының икенче һәм өченче катларын да тикшерәләр.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10