ҺАВА ТОРЫШЫ +4 oC

Яңалыклар

барлык хәбәрләр Татарстан Россия

Мәдәният

Татарстан Милли музеенда студентлар Индус Таһиров белән очрашачак

7 декабрь 2016, 15:23

Милли музейда "Замандаш" клубының чираттагы утырышы тарихчы һәм җәмәгать эшлеклесе Индус Таһировка багышланачак.

(Казан, 7 декабрь, "Татар-информ").Татарстан Милли музеенда "Замандаш” клубының чираттагы утырышы төп каһарманы тарихчы һәм җәмәгать эшлеклесе, Татарстан Фәннәр академиясе академигы Индус Таһиров булачак. Бу хакта музейның матбугат хезмәте хәбәр итә.

“Замандаш” клубында даими рәвештә тарихи һәм мәдәни вакыйгаларның шаһитлары булган танылган шәхесләр белән очрашулар үткәрелә. Чираттагы очрашу Индус Таһиров белән булачак.

Индус Таһировны Бөтендөнья татар конгрессы Башкарма комитетының беренче рәисе итеп тә беләләр. Аның фәнни хезмәтләре инкыйлаб һәм милли хәрәкәтләр, Россиядә федератив мөнәсәбәтләр урнашу тарихына, Татарстанда милли дәүләт төзелешенә багышланган. Ул Татарстанның дәүләт суверенитеты турындагы Декларация проектына зур өлеш керткән галим.

Индус Таһиров Милли музей оештыра торган Татарстан тарихына багышланган конференцияләрдә еш катнаша. 15 декабрьдә узачак очрашуда галимнең дуслары һәм хезмәттәшләре, шул исәптән галимнәр, дәүләт һәм җәмәгать эшлекләре, музей хезмәткәрләре, шулай ук студентлар һәм мәктәп укучылары катнашачак.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10