ҺАВА ТОРЫШЫ -10 oC

Яңалыклар

барлык хәбәрләр Татарстан Россия
×

Җәмгыять

Фәрит Мөхәммәтшин «Медиалогия»нең топ 10 рейтингына кергән

12 декабрь 2016, 18:43

Татарстан парламенты башлыгы бер ай эчендә рейтингта 17 пунктка күтәрелеп, алтынчы позицияне яулый.

(Казан, 12 декабрь, «Татар-информ», Арсений Маврин). Татарстан Дәүләт Советы рәисе Фәрит Мөхәммәтшин ноябрь ае йомгаклары нәтиҗәсендә «Медиалогия» компаниясе версиясе буенча Россия төбәкләре закон чыгару органнары башлыклары топ-10 медиарейтингына кергән.

Рейтингта 3518 дән артык медиаиндекс белән беренче урында - Мәскәү шәһәре Думасы рәисе Алексей Шапошников. Чечен Республикасы Парламенты рәисе Магомед Даудов 2484 медиаиндекс белән рейтингта икенче баскычны яулый. Өченчедә – Мәскәү өлкәсе Думасы башлыгы Игорь Брынцалов, ул 1621индекс белән.

Фәрит Мөхәммәтшинның медиаиндексы1387, рейтинг таблицасында Татарстан парламенты башлыгы октябрь ае белән чагыштырганда 17 позициягә күтәрелгән.

«Медиалогия» компаниясе сайтында хәбәр ителгәнчә, рейтинг «Медиалогия» системасының гаммәви матбугат чаралары базасы нигезендә төзелгән.

Анда 35,9 мең чыганак кергән. Биредә телевидение, радио, газета, журналлар, мәгълүмат агентлыклары һәм интернет- ГМЧ бар. Тикшеренү вакыты – 2016 елның ноябрь ае.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10