ҺАВА ТОРЫШЫ -18 oC

Яңалыклар

барлык хәбәрләр Татарстан Россия
МӨҺим
23 февральнең төп вакыйгалары - фото һәм сылтамалар
Татарстанда шактый салкынайтачак һәм томан төшәчәк
Татарстанда милли-мәдәни иҗтимагый оешмаларга 10 миллион бүлеп биреләчәк
#атнабай флешмобына Артем Пискунов кушылды
Бәкердә “Запорожец”лар узышты

Дин

Чистайның янгын зыян салган үзәк универмагында ут тимәгән Коръәннәр табылган

23 декабрь 2016, 11:03 , Фото: chistopol-rt.ru

Чистайның янгын зыян салган үзәк универмагында ут тимәгән Коръәннәр табылган Универмагта сәүдә иткән эшкуарларга кичә беренче тапкыр керергә рөхсәт ителде.

(Чистай, 23 декабрь, “Татар-информ”, “Чистопольские известия”, Олег Зиннуров). Чистай үзәк универмагында 20 декабрьдән 21енә каршы төндә булган янгында зыян күргән эшкуарларга кичә беренче тапкыр бина эченә керергә рөхсәт бирелде. Мөселманнар өчен дини продукция белән сәүдә иткән Әлфинә кичә янгын мәхшәреннән соң хасил булган өемнәрне карап тәртипкә китергәндә шаккаткан: дүрт Коръәнне янгын читләтеп үткән! Бу хакта “Чистопольские известия” газетасы вакыйга урыныннан репортаж тәкъдим итте.

“Изге китапларның икесен мин үземә дип тота идем, - дип сөйләгән Әлфинә, - тагын икесе сатуга куелды. Изге китаплар әз генә төтенләнгән, ләкин янмаган”.

Үзәк универмагның башка бүлегендә дә шуный ук гаҗәп хәлгә тап булганнар: анда да ялкын телләре тимәгән Коръән табылган.

“Мин моңа әз генә дә гаҗәпләнмәдем. Коръән – изге китап: ул утта янмый. Бу мисал – шуның дәлиле”, - диде бу турыда Чистай районы мөхтәсибе Мөхәммәд хәзрәт Кыямов, диелә газетада.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр