ҺАВА ТОРЫШЫ -2 oC

Яңалыклар

барлык хәбәрләр Татарстан Россия
МӨҺим
Марат Әхмәтов авылны яшәтүдә сыер савучының ролен билгеләп үтте
Татарстан киносы атналыгының яңалыгы - “Мулла” фильмының премьерасы
Конгресс туган телне ирекле өйрәнү турындагы закон проектын карамаска өнди
Айнур Айделдинов инновацион компанияләр булдыру белән бәйле проблемаларны билгеләде
20 апрельнең төп вакыйгалары - фото һәм сылтамалар

Җәмгыять

ТУ-154 авиаһәлакәтендә һәлак булучылар истәлегенә Россиядә матәм көне игълан ителде

26 декабрь 2016, 06:29

Бу фаҗигада 92 кешенең гомере өзелде.

(Казан, 26 декабрь, “Татар-информ”). Дүшәмбе Россиядә, Оборона министрлыгының ТУ-154 очкычы авиаһәлакәткә очравы сәбәпле, матәм көне игълан ителде. Бу фаҗигада 92 кеше һәлак булды. Мәскәүдә “Александровский” концерт залы урнашкан бина янына чәчәкләр китерәләр, дип хәбәр итә ТАСС. Россия Президенты Указы белән бүген илдә дәүләт байраклары төшерелә, мәдәният учреждениеләрендә тамашалар һәм телерадиоканалларда күңел ачу тапшырулары, рекламалар күрсәтелми.

Кичә Мәскәүдән Сириягә юл алган, Сочи аэропортында ягулыгын тулыландыргач яңадан күккә күтәрелгән ТУ-154 очкычы 20 минуттан соң Кара диңгезгә егылып төшә. Аның бортында хәрбиләр, журналистлар, А.В.Александров исемендәге ансамбльнең 60 музыканты була. Очкыч Сириянең Хмеймим авиабазасына килеп, артистлар Россия хәрбиләрен якынлашып килүче Яңа ел бәйрәме белән тәбрик итәргә тиеш булган. Авиаһәлакәттә җәмәгать эшлеклесе Елизавета Глинка да һәлак була.

Россия Оборона министрлыгы мәгълүматлары буенча, ТУ-154 очкычы калдыклары Сочи янында ярдан 1,5 чакрым ераклыкта 50-70 метр тирәнлектә ачыкланган. Соңгы мәгълүматлар буенча, 11 кешене гәүдәсе табылган. Бу һәлакәттә исән калучылар турында мәгълүматлар юк.

Дәүләт башлыгы һәлакәтнең сәбәпләре җентекләп тикшереләчәген белдерде. Һәлак булучыларның гаиләләренә, туганнарына ярдәм күрсәтеләчәк. Россия Тикшерү комитеты Россия Җинаять кодексының 351 нче маддәсе буенча (“Кеше үлеменә яки башка авыр нәтиҗәләргә китергән очыш һәм аңа әзерлек кагыйдәләрен бозу”) җинаять эше ачты. 

Татарстанның Дәүләт җыр һәм бию ансамбле коллективы әлеге һәлакәттә гомере өзелгән биюче кыз Ралина Гыйльманованың туганнары һәм якыннары кайгысын уртаклашты. Ралина 6 яшеннән ансамбльнең "Юлдаш" студиясендә шөгыльләнгән. Казанның хореография училищесын тәмамлаган. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10