ҺАВА ТОРЫШЫ +10 oC

Яңалыклар

барлык хәбәрләр Татарстан Россия

Сәясәт

Татарстан депутатлары ТУ-154 очкычында һәлак булучыларны искә алды

26 декабрь 2016, 11:11

Татарстан парламенты Рәисе Фәрит Мөхәммәтшин һәлак булучыларның туганнары һәм якыннарының кайгысын уртаклашты.

(Казан, 26 декабрь, “Татар-информ”, Лилия Локманова). Татарстан Дәүләт Советы депутатлары ТУ-154 очкычында һәлак булучыларны бер минутлык тынлык белән искә алды. Мәгълүм булганча, бүген Казанда Татарстан парламенты V чакырылыш депутатларының 24 нче утырышы уза. Анда Татарстан Президенты Рөстәм Миңнеханов катнаша.

“Авиаһәлакәт 92 кешенең гомерен өзде. Без, аянычлы рәвештә һәлак булган пассажирлар һәм экипажның якыннары һәм туганнарының тирән кайгысын уртаклашабыз. Аларның югалту ачысын бүлешәбез һәм кайгыларын уртаклашабыз”, - диде парламент Рәисе Фәрит Мөхәммәтшин.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10