ҺАВА ТОРЫШЫ +9 oC

Яңалыклар

барлык хәбәрләр Татарстан Россия
МӨҺим
Татар яшьләре спектакль эскизы аша “Мергасов йорты” серләрен ача
27 майның төп вакыйгалары - фото һәм сылтамалар
Рөстәм Миңнеханов Казанның тарихи үзәгендәге объектларны төзекләндерү эшләре белән танышты
Татарстан гаиләләре Марий Элдагы гаилә ансамбльләре фестивалендә катнашкан
Бүген Үзбәкстанда Сабан туйлары уза

Спорт

"Ак Барс" хоккейчылары үз бозында "Сибирь" командасына оттырды

25 гыйнвар 2017, 21:48

27 гыйнварда Казан командасы чемпионат аутсайдеры – Новокузнецкиның "Металлург" хоккейчыларын кабул итә.

(Казан, 25 гыйнвар, «Татар-информ», Фәрит Салихов). Континенталь хоккей лигасы даими чемпионаты кысаларында бүген Казанның «Ак Барс» хоккейчылары «Татнефть Арена» боз сараенда Новосибирскиның «Сибирь» командасы белән очрашты. Өстәмә билгеләнгән вакытта кунаклар җиңү китергән алка кертә алды – 1:2.

Бүгенге уенда «Ак Барс» командасы капитаны Александр Свитов белән тагын бер һөҗүмче Джастин Азеведо уйнамады. Алдагы матчта «Салават Юлаев» хоккейчысы Томаш Мертлга каршы тупас алымы өчен бер матчка читләштерелгән Свитов урынына капитан вазифасын Михаил Варнаков башкарды. Составта Свитов белән Азеведоны Василий Токранов һәм Вячеслав Солодухин алмаштырды.

Исәпне беренче булып боз хуҗалары ачты – уңышка бүгенге капитан Михаил Варнаков иреште. Матчның өченче периодында Эмиль Гарипов саклаган капкага да алка кертелде – кунаклар күплектә уйнаудан оста файдаланды. Матчның төп вакытында ике команданың да гол кертерлек мөмкинлекләре булса да, исәп үзгәрешсез калды. Ә өстәмә билгеләнгән вакытта «Сибирь» хоккейчылары остарак булып чыкты.

Сүз уңаеннан: «Ак Барс» үз бозында «Сибирь» командасын рәттән 5 уенда отып, 2014 елның мартыннан бирле оттырганы юк иде.

Бүгенге матчтан соң 100 очко туплаган «Ак Барс» командасы Көнчыгыш конференциясендә 3 нче урында бара.

27 гыйнварда «Ак Барс» үз бозында турнир таблицасының иң азаккы баскычында урнашкан һәм плей-оффка эләгү мөмкинлеген күптән инде кулдан ычкындырган «Металлург» (Новокузнецк) командасы белән очраша.

КХЛ. Даими чемпионат.

«Ак Барс» (Казан) – «Сибирь» (Новосибирск) – 1:2 (0:0, 1:0, 0:1, 0:1).

Алкаларны керттеләр: Варнаков (Малыхин, Обухов, 25.14), Игнатович (Бойчак, Наумов, 47.54, күплектә, Миловзоров (Окулов, 64.50).


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10