ҺАВА ТОРЫШЫ -8 oC

Яңалыклар

барлык хәбәрләр Татарстан Россия
МӨҺим
21 гыйнварның төп вакыйгалары - фото һәм сылтамалар
SUPERTATAR музыкаль төркеме халыкара турын Казанда концерт белән башлап җибәрде
“Рубин” Эльмир Нәбиуллинны 6 млн еврога “Спартак” клубына бирергә әзер
Казан командасы "Россия 1" каналында "Туган тел"не җырлады
“Чәйлик – татарча сөйләшик” татарча аралашулар клубы китап базарында очрашты

Татар дөньясы

Табиб Ренат Акчуринга Россия Президенты Дуслык ордены тапшырды

27 гыйнвар 2017, 08:27 , Фото: tatmsk.tatarstan.ru

Табиб Ренат Акчуринга Россия Президенты Дуслык ордены тапшырды Академик Татарстанның Россиядәге Вәкаләтле вәкиллеге карамагында оештырылган Табиблар клубын 2011 елдан җитәкли.

(Казан, 27 гыйнвар, “Татар-информ”). Россия Президенты Владимир Путин төрле өлкәләрдә хезмәт куеп, зур казанышларга ирешкән затларга кичә дүләт бүләкләре тапшырды. Мәскәү Кремлендә бу юлы барлыгы 30 кеше бүләкләнде, алар арасында Татарстанның Россиядәге Вәкаләтле вәкиллеге карамагында оештырылган Табиблар клубы әгъзалары да бар, дип хәбәр итә вәкиллекнең матбугат хезмәте.

“Ватан алдында казанышлар өчен” II дәрәҗәдәге орденына Россия Медицина фәннәре академиясенең Балалар сәламәтлеге фәнни үзәге директоры, академик Александр Баранов һәм Россия Медицина фәннәре академиясе, Россия Фәннәр академиясе академигы, профессор Ренат Акчурин Дуслык орденына лаек булды. 2016 елда алар икесе дә юбилейларын билгеләп үткән иде. Александр Барановка 75 яшь, Ренат Акчуринга 70 яшь тулды.

Татарстан белән тыгыз хезмәттәшлектә яшәүче Ренат Акчурин Табиблар клубын 2011 елдан җитәкли. Аның юбилеена Татарстанның Россиядәге Вәкаләтле вәкиллеге китап чыгарып, документаль фильм төшергән иде.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр