ҺАВА ТОРЫШЫ +21 oC

Яңалыклар

барлык хәбәрләр Татарстан Россия
МӨҺим
Милли киемнәр дизайнеры Флера Калмурзина вафат
15 июльнең төп вакыйгалары - фото һәм сылтамалар
Мөселман балалар Сабан туе батыры билгеле булды
Васил Шәйхразиев татарча сөйләшүче балаларны милләтнең иң зур горурлыгы дип саный
Мәскәү Сабан туен оештыруда Яр Чаллы шәһәре ярдәм итә

Спорт

"Рубин" футболчылары Испаниядәге икенче җыенын җиңү белән төгәлләде

14 февраль 2017, 18:33 , Фото: rubin-kazan.ru

Бу Хавьер Грасия шәкертләренең дүртенче уңышы булды.

(Казан, 14 февраль, "Татар-информ", Фәрит Салихов). Казанның "Рубин" футболчылары Испаниядәге икенче җыеннарын Кытайның "Чайна Форчун" командасына каршы уен белән төгәлләде. Әлеге матч Казан командасының җиңүе белән төгәлләнде – 3:1.

Алдагы көндә Мәскәүнең "Спартак" командасын откач (4:2), "Рубин"нан бүген дә ышанычлы җиңү көттеләр. Һәм шулай булып чыкты да. Денис Ткачукның керткән ике тубына көндәшләр бер туп белән генә җавап бирә алды. Ә уен төгәлләнергә берничә минут кала Динияр Билалетдинов та туп кертеп, исәп аермасын кабат ике тупка җиткерә алды. 

Шулай итеп, Испаниядәге җыеннары вакытында 5 уен уздырган Хавьер Грасия шәкертләре дүрт мәртәбә уңышка иреште, ә бер матчта оттырды.

"Рубин" өченче җыеннарын Испаниянең Аликанте шәһәрендә 18-26 февраль көннәрендә уздыра.

Футбол. Контроль матч. "Рубин" (Казан) – "Хэбэй Чайна Форчун" (Циньхуандао, Кытай) – 3:1 (0:0). Голлар: Ткачук, 50, 67; Билалетдинов, 89 – Лавесси, 71.

"Рубин"ның составы: Нестеренко, Нәбиуллин, Самбрано, Кверквелия, Кузьмин (к) (Михайлов, 62), Ткачук (Җамалетдинов, 79), Сонг, Цакташ (Махатадзе, 62), Рочина (Билалетдинов, 62), Лестьенн (Әхмәтов, 79), Канунников.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10