ҺАВА ТОРЫШЫ -9 oC

Яңалыклар

барлык хәбәрләр Татарстан Россия

Җәмгыять

Әтнә район советы сессиясе узды

18 февраль 2017, 18:00

Әтнә район советы сессиясе узды Аны район советы рәисе Габделәхәт Хәкимов алып барды.

(Әтнә, 18 февраль, “Татар-информ”, “Әтнә таңы”). Әтнә район советы сессиясе узды. Анда Татарстан район советы депутатларыннан тыш Президенты аппараты җитәкчесе Әсгать Сәфәров, Татарстан Республикасы Дәүләт Советының бишенче чакырылыш депутатлары Ринат Закиров, Раил Рәхмәтуллин, республиканың икътисад, авыл хуҗалыгы һәм азык-төлек министрлары урынбасарлары Олег Пелевин, Нәҗип Хаҗиев, шулай ук предприятие, оешма җитәкчеләре катнашты, дип яза районның "Әтнә таңы" газетасы.

Район советы рәисе 2016 елгы эш нәтиҗәләре, ирешкән уңышлар белән таныштырып үтте. Бәхәссез, төп уңышыбыз - терлекчелек белән бәйле. Сөт җитештерүдә районыбыз терлекчеләренә тиңнәр юк. Үсемлекчелек һәм авыл хуҗалыгы икътисады өлкәсендә дә Әтнә районы алдынгылар сафында.

Моны Әсгать Сәфәров та ассызыклады:

- Авыл хуҗалыгы продукциясе җитештерүче районнар рейтингында Әтнә районы - беренче урында. Районда хезмәт яратучан, булдыклы халык яши. Рәхмәт Сезгә, афәрин! - диде.

Яңа Шашы участогыннан сайланган депутат Алмаз Сибагатуллин, Күлле Киме авыл җирлеге башлыгы Хәмит Гәрәев үзләрендәге яңалыклар, бүгенге яшәешләре белән таныштырдылар. Икътисад министры урынбасары үз чыгышында тормыш дәрәҗәсе үсешенең төп күрсәткечләреннән берсе кече һәм урта эшмәкәрлекне үстерүдә булуын билгеләде.

Соңыннан Әсгать Әхмәт улы үз һөнәрләрен башкаруда югары күрсәткечләргә ирешкән райондашларыбызны Татарстан Республикасы Президенты исеменнән бүләкләп, мактаулы исемнәр алулары белән котлады, диелә район хәбәрендә.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10