ҺАВА ТОРЫШЫ +21 oC

Яңалыклар

барлык хәбәрләр Татарстан Россия
МӨҺим
Алмаз Хәмзин: Кадим Нуруллинны циркка җибәрәләр дигәч, шаккатык - "Шәһри Казан" газетасы
Лаештагы авариядә Чувашстаннан килгән егет имгәнгән
Гомель шәһәрендә татар мәдәниятенә багышланган күргәзмә эшли
Казан триатлоны-2018 якшәмбе көнне башкала үзәгендә узачак
Семипалатта татар сәнгать мәктәбе бинасын булдыруда Татарстан ярдәм итәчәк

Мәдәният

Мәскәүдә Вена операсы солисткасы Аида Гарифуллинаның беренче концерты уза

23 февраль 2017, 18:02

Мәскәүдә Вена операсы солисткасы Аида Гарифуллинаның беренче концерты уза Опера җырчысы “булачак концерттан искиткеч сөенеч һәм дулкынлану кичерүен” хәбәр иткән.

(Казан, 23 февраль, “Татар-информ”). Вена операсы солисткасы, Татарстан Республикасының атказанган артисткасы Аида Гарифуллина чәршәмбе көнне Мәскәүдә, консерваториянең Зур залында концерт куя. Бу хакта чараны оештыручыларның матбугат хезмәтендә хәбәр ителә, дип яза ТАСС.

“Биредә рус музыка мәдәниятының эталон традицияләре формалашкан. Шуның өстәвенә Мәскәүдә зәвыклы тамашачы. Биредәге чыгышымны халыкара конкурста җиңгән кебек кабул итәм”, - дип китергәннәр Гарифуллина сүзләрен матбугат хезмәтендә.

Опера җырчысы “булачак концерттан искиткеч сөенеч һәм дулкынлану кичерүен” хәбәр иткән.

Концертта Е. Ф. Светланов исемендәге Дәүләт академия симфоник оркестрына кушылып, П. И. Чайковский, Н. А. Римский-Корсаков, Дж. Верди һәм Дж. Пуччини ария һәм романслары яңгыраячак.  Дирижер Германиядән маэстро Йохен Ридер булачак.

Аида Гарифуллина Россия сопрано-җырчысы. 2013 елда Мариин театры сәнгать җитәкчесе Валерий Гергиев чакыруы буенча, Петербург сәхнәсендә Моцарт опера-буффы "Фигаро туе"нда Сюзанна булып чыгыш ясады.

Шул ук елны җырчы Веронада Operalia халыкара бәйгедә җиңү яулады. 2014-2015 ел сезоныннан башлап, Вена операсы солисткасы.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10