ҺАВА ТОРЫШЫ +6 oC

Яңалыклар

барлык хәбәрләр Татарстан Россия

Спорт

Татарстан беренчелегендә Мамадыш көрәшчеләре җиңү яулады

5 март 2017, 09:56

Татарстанның 16-18 яшьлек иң көчле көрәшче егетләре ике көн дәвамында Мамадыш районында бил алышты.

(Казан, 5 март, "Татар-информ"). 3-4 март көннәрендә Мамадыш районында 1999-2000 елда туган егетләр арасында татарча көрәш буенча "Татарстан яшьләре" газетасы призына Татарстан беренчелеге уздырылды. Ярышларда республика район шәһәрләреннән 44 команда көрәшчеләре бил алышты.

Бил алышулар 9 авырлык үлчәвендә барды. Шуның дүртесендә келәм хуҗалары җиңү яулады.

Татарстан беренчелегенең чемпионнары – Раил Хәбибрахманов (Мамадыш), Эльмир Вәлиуллин (Мамадыш), Рөстәм Ханов (Мамадыш), Илшат Таһиров (Түбән Кама), Данис Хәкимов (Мамадыш), Данис Гәрәев (Минзәлә), Раил Сәлахетдинов (Кукмара), Нәсим Габидуллин (Арча), Ленар Әхмәтшин (Нурлат).

Командалар арасында Мамадыш – беренче, Әлмәт – икенче, Арча көрәшчеләре өченче урында.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10