ҺАВА ТОРЫШЫ +21 oC

Яңалыклар

барлык хәбәрләр Татарстан Россия
МӨҺим
Энгель Фәттахов Бөтендөнья татар конгрессының Милли Шурасы составыннан чыгарылды
20 июльнең төп вакыйгалары - фото һәм сылтамалар
Рөстәм Миңнеханов Путинга Универсиаданың спорт мирасын куллану турында сөйләде
Самара өлкәсе мәдрәсәсе чыгарылыш сыйныф укучыларын укырга чакыра
Рөстәм Миңнеханов Путинннан стадионнарда сыра сатарга рөхсәт итүне сорады

Спорт

Әлки районынның 11 яшьлек спортчы Бөтенроссия турнирында алтын медаль яулады

11 апрель 2017, 02:00

Әлки районынның 11 яшьлек спортчы Бөтенроссия турнирында алтын медаль яулады Булат Борһанов ярыштан велосипед алып кайтты.

(Әлки, 11 апрель, "Татар-информ", "Әлки хәбәрләре"). Үткән атнада Бөтенроссия киокусинкай каратэ турнирында катнашып, Әлки районы Базарлы Матак егете Булат Борһанов алтын медаль яулады, дип яза район матбугаты. 

Бөтенроссия Гагарин турниры Ульяновск шәһәрендә булды, быел ул унынчы тапкыр үткәрелде. Анда илнең 5 регионыннан, 20 дән артык шәһәрдән 300 ләп спортчы катнашты. Ярышларда 10-11 яшьлек малайлар һәм кызлар чыгыш ясады.

Районыбыз данын әлеге бәйгедә тренер Андрей Зиньков шәкертләре яклады. Булат Борһанов биш тапкыр келәмгә чыгып , көндәшләреннән өстен булуын исбатлый һәм пьедесталның иң югары баскычына күтәрелә. Ул икенче ел рәттән әлеге турнирның җиңүчесе булды һәм велосипед белән бүләкләнде. Риназ Нотфуллин, Данил Шәйхетдинов исә икенче һәм өченче призлы урыннарны яуладылар, диелә район хәбәрендә.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10