ҺАВА ТОРЫШЫ +17 oC

Яңалыклар

барлык хәбәрләр Татарстан Россия

Җәмгыять

Кайбычлылар экологик диктант язды

22 апрель 2017, 09:00

Кайбычлылар экологик диктант язды Бөтенроссия күләмендә узган Экологик белемнәр көненә багышланган диктантны районның төрле оешмаларында эшләүче 25 кеше язды.

(Кайбыч, 22 апрель, "Татар-информ", «Кайбыч таңнары», Илүзә Сафина). Кайбычлылар экологик диктант язды. Бөтенроссия күләмендә узган Экологик белемнәр көненә багышланган диктантны районның төрле оешмаларында эшләүче 25 кеше язды, дип хәбәр итә район газетасы.

Әлеге чараны “Бердәм Россия” партиясенең “Яшь гвардия” иҗтимагый оешмасының җирле бүлеге җитәкчесе Лилия Бикаева партия лидеры Рушания Лотфуллина белән берлектә үткәрде. Диктант язуда катнашучылар теория һәм практикага кагылышлы 35 тест соравына җавап бирде. Оештыручылар Бөтенроссия күләмендәге тест биремнәрен Ломоносов исемендәге Мәскәү дәүләт университетының биология факультеты студентлары белән бергә әзерләгән. – Табигатьне саклауга багышланган ел уңаеннан “Яшь гвардия”челәр эшчәнлегендә яңа экологик юнәлеш барлыкка килде. Без, беренче чиратта, тиешсез урыннарга түгелгән чүплекләрне ачыклау буенча эш алып барачакбыз, –диде Лилия Бикаева. Җир һәм милек мөнәсәбәтләре палатасы белгече Айдар Рәхмәтуллин да диктант язучылар арасында.

– Мондый экологик проектлар ешрак үткәрелсен иде. Бүгенге тест сораулары арасында шактый катлаулылары да булды. Заводлар күп, һава төтен белән пычрана, тирә-⁠юньгә чүп түгүчеләр дә бар әле. Мине шул борчый.

Экологик диктант язучыларның барысына да сертификатлар тапшырылды.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10