ҺАВА ТОРЫШЫ +14 oC

Яңалыклар

барлык хәбәрләр Татарстан Россия
МӨҺим
Татар рәссамнары белән тарихчылар халыкка тарихи белем бирү проектларын башлап җибәрәләр
Татарстан әниләрен эшмәкәрлек нигезләренә бушлай укытачаклар
18 июньнең төп вакыйгалары - фото һәм сылтамалар
Варшавада татар кухнясы көннәрендә чәкчәк пешерергә өйрәтәчәкләр
Чиләбедә Татар халык театры яңадан эшли башлады

Рәсми Татарстан

Минтимер Шәймиев Рамазан Абдулатипов белән очрашты

22 апрель 2017, 12:51 , Фото: prav.tatarstan.ru

Минтимер Шәймиев Рамазан Абдулатипов белән очрашты Татарстан Дәүләт киңәшчесе кунакны «Яңарыш» Фонды ярдәме белән тормышка ашырылучы тарихи-мәдәни мирасны саклау проектлары белән таныштырды.

(Казан, 22 апрель, "Татар-инфо). Бүген Казан Кремлендә Татарстан Дәүләт киңәшчесе, «Яңарыш» Республика Фондының Попечительләр советы рәисе Минтимер Шәймиев Дагыстан Республикасы башлыгы Рамазан Абдулатипов белән очрашты. Бу хакта Татарстан Президенты матбугат хезмәте хәбәр итә.

Рамазан Абдулатипов Казанга Татарстан халыкларының III съездында катнашу өчен килгән.

Минтимер Шәймиев кунакны «Яңарыш» Фонды ярдәме белән тормышка ашырылучы тарихи-мәдәни мирасны саклау проектлары белән таныштырды. Ул Фондның җиде еллык эшчәнлеге, Болгар ислам академиясе төзелеше һәм Казан Изге Ана иконасы соборын яңадан булдыру проектлары турында сөйләде.

Рамазан Абдулатипов тарихи-мәдәни ядкәрләрне саклау проблемасы Дагыстанда да актуаль һәм республика җитәкчелегенең игътибар үзәгендә, дип билгеләде. Минтимер Шәймиев Татарстан белгечләре бу өлкәдә үзләренең тәҗрибәләре белән Дагыстан коллегалары белән уртаклашырга әзер, дип белдерде.

Очрашу барышында бүгенге съезд турында да фикер алыштылар. Рамазан Абдулатипов 2007 елда узган Татарстан халыкларының II корылтаенда катнашуын искә алды һәм шулай ук Дагыстан Республикасының хәзерге социаль-икътисади үсеше турында сөйләде.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10