ҺАВА ТОРЫШЫ 0 oC

Яңалыклар

барлык хәбәрләр Татарстан Россия

Мәдәният

Спартак урамына Илһам Шакиров һәм Әлфия Авзалова исемнәрен бирергә кирәк - Кадим Нуруллин

2 май 2017, 14:26 , Фото: Расих Фасхутдинов

Спартак урамына Илһам Шакиров һәм Әлфия Авзалова исемнәрен бирергә кирәк - Кадим Нуруллин Филармония директоры бина янындагы паркка милли төсмер биреләчәген әйтте.

(Казан, 2 май, “Татар-информ”, Алмаз Шиһабетдинов). Габдулла Тукай исемендәге татар дәүләт филармония янындагы паркка милли төсмер өстәргә кирәк. Моннан тыш Спартак урамына Илһам Шакиров һәм Әлфия Авзалова исемнәрен бирергә кирәк. Бу хакта филармониянең директоры Кадим Нуруллин "Татар-информ" агентлыгына белдерде.

“Филармониягә керүне арткы яктан – парк ягыннан ясарга уйлыйбыз. Гадәттә, паркларны билгесез урыннарда ясыйлар. Кешеләр паркларда йөри, әмма кайда нинди парк урнашканын белми. Филармониягә елына 200 мең кеше килә. Бу кешеләр парк аша чыгып, мондагы даһиларның исемнәрен күреп, аларны истә калдырып, горурланырлар иде”- ди ул.

“Паркыбызны милли итеп ясау балаларыбызны да тәрбияли. 40 % тамашачы ул – балалар. Балаларга даһиларыбызны таныту безнең бурыч”, - диде Кадим Нуруллин.

Габдулла Тукай исемендәге татар дәүләт филормониясенең җитәкчесе Спартак урамына Илһам Шакиров һәм Әлфия Авзалова исемнәре белән атарга теләге турында әйтте.

“Татфондбанк” бөлгенлеккә төшкәннән соң, “Спартак” та бетте. Шуңа күрә Спартак урамын икегә бүлеп, Илһам Шакиров һәм Әлфия Авзалова урамнары итеп аталуын телибез. Милли парк каршындагы урам бөек җырчыларыбыз исемен йөртергә тиеш” – ди Кадим Нуруллин.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10