ҺАВА ТОРЫШЫ +18 oC

Яңалыклар

барлык хәбәрләр Татарстан Россия

Мәдәният

Португалия конкурсанты – "Евровидение-2017"дә җиңүче

14 май 2017, 10:29

Португалия конкурсанты – 27 яшьлек Сальвадор Собрал туган телендә мәхәббәт темасына лирик җыр башкарды.

(Казан, 14 май, "Татар-информ"). "Евровидение-2017" халыкара җыр бәйгесендә Португалиядән Сальвадор Собрал җиңүгә лаек булды. Бу хакта ТАСС хәбәр итә. Җырчы жюри әгъзаларыннан һәм 42 илнең тамашачыларыннан иң күп тавыш җыеп, 758 бал туплаган.

Икенче урында – Болгария җырчысы, 17 яшьлек  Кристиан Костов (615 очко) һәм өченчедә Молдавиядән "SunStroke Project" коллективы (374 балл).

27 яшьлек Португалия вәкиле Сальвадор Собрал туган телендә "Amar pelos dois" ("Икәү мәхәббәте") лирик җырын башкарган. Җиңүче үз иленә кайткач  музыкаль эшчәнлеген дәвам итәргә ниятли. Ул иҗади турга юнәлеп, альбом язмакчы була.

Быел "Евровидение"дә 43 илдән музыкантлар катнашырга тиеш иде. Әмма Киевтагы бәйге әле башланганчыга кадәр үк, Россия катнашучысы Юлия Самойлова белән җәнҗал чыкты. Украина хөкүмәте Самойловага Кырымда чыгыш ясаган өчен илгә керергә рөхсәт бирмәде.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10