ҺАВА ТОРЫШЫ +18 oC

Яңалыклар

барлык хәбәрләр Татарстан Россия

Мәдәният

Ландыш Габдрахманованың шигырьләр китабы чыкты

17 май 2017, 15:14

Ландыш Габдрахманованың шигырьләр китабы чыкты Яшь шагыйрә шул уңайдан укучылары белән очраша.

(Казан, 17 май, «Татар-информ», Мөршидә Кыямова). Татарстан китап нәшриятында Ландыш Габдрахманованың "Яшим - димәк, яратам!" дигән китабы басылып чыкты. Шул уңайдан, 18 май көнне автор - яшь шагыйрә Ландыш Габдрахманова белән очрашу була, дип хәбәр итә Татарстан китап нәшрияты баш редакторы урынбасары Венера Аббязова.

«Авторның шигырьләрен тыңларга, аңа үзегезне кызыксындырган сорауларны бирергә мөмкин булачак, - ди Венера. - Очрашуда китапның редакторы шагыйрь Газинур Морат, язучы Ркаил Зәйдулла, нәшрият хезмәткәрләре дә катнаша. Очрашу автограф-сессия белән тәмамланыр, дип көтелә».

Шагыйрә белән очрашу Бауман урамы, 29 йортта, “Нур-маркет”та урнашкан китап кибетендә узачак. Чара 18 май көнне 16.00 сәгатьтә башлана.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10