ҺАВА ТОРЫШЫ +24 oC

Яңалыклар

барлык хәбәрләр Татарстан Россия
МӨҺим
Дин әһелләре форумында татар телен саклау мәсьәләсе күтәреләчәк
Татарстан, РАНХиГС һәм Газпромбанк үзара хезмәттәшлек турында килешү имзалады
Татарстанда алдагы тәүлектә көчле җил белән яшенле яңгырлар булачак
Чаллыда бишенче көн рәттән 15 яшьлек кызны эзлиләр
Рөстәм Миңнеханов ислам банкингына ачыклык кертте

Фән һәм мәгариф

Әгерҗе районы Красный Бордагы "Алмалы" лагерен капиталь ремонттан соң ачу тантанасы булды

8 июль 2017, 20:00

Әгерҗе районы Красный Бордагы Яңартылган лагерь июньдә беренче сменаны кабул иткән иде.

(Әгерҗе, 8 июль, "Татар-информ", "Әгерҗе хәбәрләре"). Әгерҗе районы Красный Бордагы “Алмалы“ лагерен капиталь ремонттан соң ачу тантанасы булды. “Алмалы“ лагере республика программасы кысаларында ремонтланды. Аны әлеге программага кертүдә РФ Дәүләт Думасы депутаты Әлфия Когогинаның да йогынтысы зур булды. Шуңа күрә әлеге тантанада Татарстан Президенты Рөстәм Миңнеханов, Әлфия Когогина, район башлыгы Валерий Макаров, биредә ремонт эшләрен алып барган Тигран Агаджанян җитәкчелегендәге “СтройГигант“ төзүчеләре исеменә рәхмәт сүзләре күп яңгырады, дип яза җирле басма.

Чыннан да, ремонт барышында лагерь эчке яктан да, тышкы яткан да танымаслык булып үзгәргән. Биредә шартлар да күпкә яхшырган. Район башлыгының “Лагерьда ошыймы соң, балалар?“ дигән соравына балалар дәррәү булып “Әйе!“ дип җавап бирделәр. Лагерьның ишегалдында спорт мәйданчыгы барлыкка килгән. Биредә балалар рәхәтләнеп баскетбол, футбол, волейбол уйныйлар. Бина эчендә исә теннис уйнау өчен шартлар тудырылган.

Тантаналы өлештән соң кунаклар бина булып сәяхәт иттеләр. Аның барышында Валерий Макаров тиешле күрсәтмәләр бирде, булган кимчелекләрне якын арада бетерү бурычын куйды.

Яңартылган лагерь июньдә беренче сменаны кабул иткән иде. Әлеге сменада ял иткән балалар алдагы атна башында лагерь белән саубуллашалар. Алар урынына янә 80 бала килә. Ә соңгы сменада биредә 50 спорт белән шөгыльләнүче укучылар ял итәчәк, диелгән район хәбәрендә.  


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10