ҺАВА ТОРЫШЫ +26 oC

Яңалыклар

барлык хәбәрләр Татарстан Россия

Фән һәм мәгариф

Татарстанда лагерьларны ремонтлауга ел саен бюджеттан 100 миллион сум акча бирелә

4 август 2017, 12:53

Ел саен республикада 12-14 лагерь төзекләндерелә.
(Казан, 4 август, «Татар-информ», Юлия Косолапкина). Татарстан бюджетыннан ел саен балаларның сәламәтләндерү лагерьларын төзекләндерү өчен 100 миллион сум акча бүленә. Әлеге эшләр махсус программа буенча 2014 елдан алып барыла. Бу хакта “Татар-информ” агентлыгында узган матбугат очрашуында ТР Яшьләр эшләре һәм спорт министрлыгының өстәмә белем бирү һәм социаль программалар белгече Рөстәм Юсупов искәртте.
 
“Лагерьларны төзекләндерү программасын булдыруга үз вакытында яшьләр эшләре министры булып эшләгәндә Марат Бариев күп көч куйган иде. Программа 2014 елда кабул ителде. Хәзер ел саен лагерьларны төзекләндерүгә 100 миллион сум акча бирелә”, - дип белдерде Рөстәм Юсупов.
 
РФ Дәүләт Думасының VII чакырылыш депутаты, Физик культура, спорт, туризм һәм яшьләр эшләре комитеты әгъзасы Марат Бариев сүзләренчә, әлегә авыл лагерьларын җиһазландыру дәрәҗәсе, зур шәһәрләрдәгегә караганда берникадәр артта кала. Шуңа да карамастан, Татарстанда балаларның ялын оештыру өлкәсендә, башка төбәкләр белән чагыштырганда, проблемалар азрак, кайбер төбәкләр республика тәҗрибәсен өйрәнә.
 
Лагерьларның барысын да бердәм стандартка җавап бирерлек дәрәҗәгә китерүгә килгәндә, депутат моның өчен таләп ителгән төгәл сумманы атамады. “Бөтен эшләрне, таләпләрне дә берьюлы башкарып чыгып булмый, эзлекле эш алып барырга кирәк”, - диде ул.
 

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10