ҺАВА ТОРЫШЫ +19 oC

Яңалыклар

барлык хәбәрләр Татарстан Россия
МӨҺим
Казандагы ФИФА җанатарлары фестивале мәйданы Россия-Мисыр матчын караучылар белән тулды
Төрекмәнстанда күпхатынлылыкны тыялар
Аккош күлендә Сабан туе милли көйләр һәм футболны берләштерәчәк
Татар чыгышлы язучы Сана Вәлиуллина "Ясная поляна" әдәби конкурсы номинанты булды
Гыйльметдинов: Дәүләт телләрен вариатив өлешкә калдыру турында бернинди сүз бармый

Җәмгыять

Быел Татарстанга кергән карбыз-кавында нитратлар юк

15 август 2017, 14:31

Шулай булуга карамастан, тиешле документлары булмау сәбәпле, 33 кило бакча культурасы юк ителгән.

(Казан, 15 август, “Татар-информ”, Чулпан Шакирова). Быел республикага китертелгән карбыз-кавында нитратлар табылмаган. Бу хакта “Татар-информ” мәгълүмат агентлыгы оештырган матбугат конференциясендә билгеле булды.

“Узган елның шушы вакыты белән чагыштырганда, көньяк җимешләрендә быел нитратлар юк”, – диде Россельхознадзорның Татарстан идарәсе башлыгы урынбасары Ленар Фаттерахманов. – Идарә белгечләре республикага Россиянең башка төбәкләре һәм чит илләрдән керүче җиләк-җимеш һәм яшелчәләргә даими ветеринария-санитария контроле ясап тора. Шулай ук ЮХИДИ постларында да җентекле тикшерү уза. Аларның вет-санитар нормаларга туры килүе һәм карантинлы авырулар, корткычлар алып килү-килмәве дә карала.
Урынбасар сүзләренчә, безгә карбызны Әстерхан һәм Волгоград өлкәсеннән китерәләр. Шулай ук Казахстан карбызы да керә. Быел республикага 170 тоннадан артык Казахстан карбызы килгән.

“Республикага кергән карбыз-кавынны курыкмыйча ашарга була, аларда нитрат юк. Сезон башында үзем шәхсән ветеринария хезмәте белән сөйләштем. Республиканың һәр базарында ветеринария-санитария экспертизасы бар. Анда ветеринарлар-экспертлар эшли. Ул һәр кергән партияне нитратка, ветеринария-санитария документларына тикшерә. Алар ясаган нәтиҗәдән соң гына әлеге җиләк-җимешне сатарга яки базарга чыгармаска дигән карар чыга.

2016 елда Россельхознадзорның Татарстан идарәсе лаборатор тикшерү өчен 55 бакча культурасыннан проба алган. Шуның берсе, составында нитрат табылу сәбәпле, гигиена нормативына туры килмәгән.
Кайда үсүе, сыйфаты һәм куркынычсызлыгын дәлилли торган тиешле документлары булмау аркасында, 15 партия – 459,6 кило карбыз яраксыз дип табылган.

Быел июль аенда 33 кило карбыз һәм кавын юк ителгән. Сәбәбе: сыйфатын һәм куркынычсызлыгын дәлилләүче кәгазьләре булмау.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10