ҺАВА ТОРЫШЫ +10 oC

Яңалыклар

барлык хәбәрләр Татарстан Россия
МӨҺим
«Росатом» WorldSkills Kazan-2019 чемпионатының стратегик партнёры булачак
"Нәүрүз" театраль-белем бирү форумында Достоевский әсәрләре буенча спектакль куела
Бангладеш Премьер-министры рохинья мөселманнарын кире Мьянмага кайтарырга өнди
Төрки телле илләрдә пешекчеләр азык-төлек куркынычсызлыгы буенча онлайн-курслар үтә
Татарстанның мордва милли җәмгыяте рәисе: Телләрне ихтыяри укыту милләтләрне юк итәчәк

Мәдәният

Кариев театры беренче сыйныфка баручы авыл балаларына букчалар бүләк итте

23 август 2017, 07:14

Театр "Мәктәпкә әзерләнергә ярдәм ит!" хәйрия акциясе кысаларында Саба районы Явлаштау авылы Мәдәният йортында бәйрәм оештырды.

(Казан, 23 август, “Татар-информ”, Рузилә Мөхәммәтова). Габдулла Кариев исемендәге Казан татар дәүләт яшь тамашачы театры коллективы “Мәктәпкә әзерләнергә ярдәм ит!” хәйрия акциясе кысаларында Саба районы Явлаштау авылы Мәдәният йортында бәйрәм оештырды, дип хәбәр итә театрның матбугат хезмәте.

Театр директоры Мансур Ярмиев Мишәбаш һәм Явлаштау авылларының беренче сыйныфка укырга керүче балаларына канцелярия товарлары тутырылган сумкалар, яктылык кайтаргыч беләзекләр тапшырган, ә авыл Мәдәният йортының, Явлаштау, Мишәбаш мәктәпләренең китапханә фондларына китаплар бүләк иткән.

Бәйрәм чарасында Саба муниципаль районы Башкарма комитет җитәкчесенең социаль мәсьәләләр буенча урынбасары Таһир Шәрәфиев, “Саба дулкыннары” телерадиокомпаниясе директоры Әлфия Мөбәрәкова, Явлаштау урта мәктәбе директоры Зөлфәт Гибадуллин, мәгариф өлкәсе ветераннары һәм күп санлы кунаклар катнашкан.

Бәйрәм кичәсенең рәсми өлешеннән соң кариевлылар авыл халкына Туфан Миңнулинның “Супер кияү” комедиясен күрсәтте.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10