ҺАВА ТОРЫШЫ +3 oC

Яңалыклар

барлык хәбәрләр Татарстан Россия
МӨҺим
Татарстанда “бизнес-ангеллар” ассоциациясен булдыру ниятләнә
Хәйдәр Хәлиуллин өй арестыннан азат ителгән
“Мулла” фильмы Әсфәндиярны үтермәде
Кариев театрының яңа бинасы ачыла
Айнур Айделдинов традицион икътисад белән генә конкуренцияне җиңеп булмавын белдерде

Икътисад

Татарстан эшчеләрне җәлеп итүче Россия өлкәләренең беренче бишлегенә кергән

31 август 2017, 19:36 , Фото: Ильнар Тухбатов

Татарстан эшчеләрне җәлеп итүче Россия өлкәләренең беренче бишлегенә кергән Татарстан 67,3 индексы белән рейтингта бишенче урынны алган.

(Казан, 31 август, «Татар-информ»). «РИА Рейтинг» 2016 ел йомгаклары буенча Россия төбәкләрендәге хезмәт базарының чираттагы индексын тәкъдим иткән. Рейтингта бишенче урынны 67,3 индексы белән Татарстан Республикасы алган.

Белгечләр вазгыятьне бәяләү өчен 2016 елның йомгаклары буенча хезмәт базары индексын исәпләгән. Ул төбәктәге мәшгульлек дәрәҗәсеннән тыш, аның мөмкин булган эшче өчен җәлеп итүчәнлеген дә билгели. Индексны исәпләгәндә тугыз күрсәткеч, шул ук вакытта – хезмәт хакы дәрәҗәсе, мәшгульлек, хезмәт шартлары, хезмәт базарының сыйдырышлылыгы анализланган.

2015 ел йомгаклары белән чагыштырганда, хезмәт базары индексы буенча беренче бишлеккә кергән алдынгылар үзгәрмәгән. Беренче урында – Мәскәү (88,8), икенчедә - Санкт-Петербург (85,2), өченчедә – Мәскәү өлкәсе (78,1) тора. Индекс күрсәткече 70 баллдан артып киткән тагын бер төбәк – Ханты-Манси автономияле округы – Югра. Бишенче урында – Татарстан.

Рейтингның соңгы урыннарын Карачай-Чиркәс Республикасы (10,1) һәм Ингушетия (9,8) алып тора.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10