ҺАВА ТОРЫШЫ +4 oC

Яңалыклар

барлык хәбәрләр Татарстан Россия

Дин

Болгар ислам академиясендә Палестина галиме бакалаврларның белем дәрәҗәсенә бәя бирде

28 сентябрь 2017, 14:48

Мөгаллим академиядә 4 дисциплина буенча укытачак.

(Болгар, 28 сентябрь, "Татар-информ", Гөлнар Гарифуллина). Болгар ислам академиясе бакалаврларының белем дәрәҗәсе бик югары дип әйтеп булмый. Шулай да, күпчелеге – якынча 65-70 процентының, белем дәрәҗәсен яхшы дип бәяләрлек. Мисырның Әл-Әзһәр университетыннан ислам фәннәре һәм гарәп филологиясе буенча доктор Исмаил Болбол бүген Болгар ислам академиясендә журналистларга шулай дип белдерде.

"Без, укытучыларның, бурычы – аларга белем ягыннан күтәрелергә булышуда. Аларның белеме төрле яклап күтәрелүенә ирешергә тиешбез. Үз эшебездә ихлас булуыбыз мөһим", – дип белдерде чит ил мөгаллиме.

"Мин доктор дәрәҗәсенә ирешкән галим. 34 ел укытуны алып барам, шуңа күрә минем укыту юнәлеше исламның барлык маддәләренә кагыла. Нинди генә фәннәр булмасын, алар буенча укытам. Шушы академиядә дә 4 дисциплина буенча дәресләр бирәчәкмен. Беренчедән, Усуль-әл Фикх маддәсе. Икенчедән, фикх. Алар бер-берсеннән аерыла. Шулай ук, хәдис терминологиясе, Коръәннең нечкәлекләре. Киләчәктә башка фәннәрне дә укытачакмын, чөнки мин үзебездә дә ислам фәннәре буенча рәис идем. Палестина җирлегендә Әл-әзһәр филиалында мөдир булдым", – ди Исмаил Болбол.


 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10