ҺАВА ТОРЫШЫ -18 oC

Яңалыклар

барлык хәбәрләр Татарстан Россия
МӨҺим
23 февральнең төп вакыйгалары - фото һәм сылтамалар
Татарстанда шактый салкынайтачак һәм томан төшәчәк
Татарстанда милли-мәдәни иҗтимагый оешмаларга 10 миллион бүлеп биреләчәк
#атнабай флешмобына Артем Пискунов кушылды
Бәкердә “Запорожец”лар узышты

Җәмгыять, Татар дөньясы

Татар теле мәсьәләсендә Дәүләт Советының өстәмә утырышы булачак – Васил Шәйхразиев

3 ноябрь 2017, 13:12 , Фото: Ильнар Тухбатов

Татар теле мәсьәләсендә Дәүләт Советының өстәмә утырышы булачак – Васил Шәйхразиев Казанда “Россия Федерациясе төбәкләренең тышкы элемтәләре. Татарстан Республикасы тәҗрибәсе” дип исемләнгән халыкара фәнни-гамәли конференция бара.

(Казан, 3 ноябрь, «Татар-информ», Рузилә Мөхәммәтова). Татар теле мәсьәләсендә фикер алышу өчен Дәүләт Советының өстәмә утырышы булачак. Бу хакта "Чит илләрдә яшәүче милләттәшләр: үзара багланышлар тәҗрибәсе" дигән “Түгәрәк өстәл” утырышында Татарстан Республикасы Премьер-министры урынбасары, Милли Шура рәисе Васил Шәйхразиев хәбәр итте.

“Соңгы арада татар теле турында күп сөйләшүләр бара. Бөтендөнья татар конгрессы татар телен саклау буенча үз позициясен белдерде. Без рәсми резолюция кабул иттек. Татарстан Мөфтияте дә, Дәүләт Советы сессиясе вакытында депутатлар да, безнең Президентыбыз Рөстәм Нургалиевич та, Президент Киңәшчесе Минтимер Шәрипович та үз позицияләрен җиткерделәр. Бу мәсьәләдә Дәүләт Советының өстәмә утырышы булачак, министрлыкларда да эш алып барыла. Татар телен сакларга кирәк, тел – ул нигезебез. Татар теле – Татарстан Республикасының дәүләт теле. Конституция буенча безнең ике дәүләт теле”, - диде Васил Шәйхразиев.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр