ҺАВА ТОРЫШЫ +17 oC

Яңалыклар

барлык хәбәрләр Татарстан Россия

Җәмгыять

Татарстан делегациясе Екатеринбургта узган WorldSkills Hi-Tech 2017 чемпионатында катнашты

7 ноябрь 2017, 12:27

Чемпионат барышында һөнәри белем бирүнең сыйфатын арттыруга юнәлдерелгән бай эшлекле программа тәкъдим ителде.

(Казан, 7 ноябрь, «Татар-информ»). Екатеринбургта IV WorldSkills Hi-Tech 2017 сәнәгатьнең югары технологияле тармакларындагы эшче һөнәрләр илкүләм чемпионаты төгәлләнде. Татарстанның Свердловск өлкәсендәге Даими вәкиллегенең рәсми интернет-порталында хәбәр ителгәнчә, илнең барлык төбәкләреннән 300дән артык конкурсант җыелган чемпионатта Татарстан делегациясе дә катнашкан.

Илнең иң зур сәнәгать предприятиеләрен тәкъдим итүче яшь белгечләр 30 компетенциядә ярышты. Чемпионат барышында (ул 3-5 ноябрь көннәрендә узды) һөнәри белем бирүнең сыйфатын арттыруга юнәлдерелгән бай эшлекле программа тәкъдим ителде.

Чарада Татарстанны ТР Сәнәгать һәм сәүдә министрлыгының корпоратив идарә бүлеге башлыгы Андрей Фролов, республика Мәгариф һәм фән министрлыгының Һөнәри белем бирү идарәсе башлыгы Анна Сидоренко җитәкчелегендәге бер төркем белгечләр тәкъдим итте.

 


 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10