ҺАВА ТОРЫШЫ +7 oC

Яңалыклар

барлык хәбәрләр Татарстан Россия

Җәмгыять

Татарстанда көндезге 12гә референдумда катнашучылар саны 36 процент тәшкил иткән

19 ноябрь 2017, 15:43

Татарстанда үзара салым мәсьәләләре буенча тавыш бирү кичке 8гә кадәр дәвам итә, республикада барлыгы 1706 сайлау участогы эшли.

(Казан, 19 ноябрь, «Татар-информ», Диана Авакян). Татарстанда 12 сәгатькә үзара салым мәсьәләләре буенча референдумда катнашучылар саны уртача 36 процент тәшкил иткән. Бу хакта “Татар-информ” агентлыгына Татарстан Республикасы Үзәк сайлау комиссиясеннән хәбәр иттеләр.

Тавыш бирү барышын “Бердәм Россия”, “Яблоко”, “Парнас” һәм КПРФ партияләре вәкилләре күзәтә. Ульяновск, Самара, Волгоград өлкәләре, Пермь крае, Мордовия, Чуваш республикаларыннан да күзәтүчеләр килде.

Татарстанда үзара салым мәсьәләләре буенча тавыш бирү кичке 8гә кадәр дәвам итә, республикада барлыгы 1706 сайлау участогы эшли.

Шунысын да искәртик: бүген 43 муниципаль берәмлеккә караган 852 авыл һәм 20 шәһәр җирлегендә үзара салым буенча референдумнар уза.

Программа 2013 елда старт алды. Шул вакыттан бирле 1 сумга 4 сум исәбеннән 2,8 миллиард сумнан артык акча җыелган. Әлеге акчалар җирлектәге мөһим проблемаларны хәл итүгә юнәлдерелгән.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10