ҺАВА ТОРЫШЫ +21 oC

Яңалыклар

барлык хәбәрләр Татарстан Россия
МӨҺим
Татарстан урман кисүчеләре төбәкара чемпионатта җиңү яулады
Татар рәссамнары белән тарихчылар халыкка тарихи белем бирү проектларын башлап җибәрәләр
Татарстан әниләрен эшмәкәрлек нигезләренә бушлай укытачаклар
18 июньнең төп вакыйгалары - фото һәм сылтамалар
Варшавада татар кухнясы көннәрендә чәкчәк пешерергә өйрәтәчәкләр

Мәдәният

“Әлиф” хореографик спектакле Хабенский арт-резиденциясендә күрсәтеләчәк

30 ноябрь 2017, 17:05

"Әлиф" хореографик спектакле - “Алтын битлек” Милли театр премиясе номинанты.

(Казан, 30 ноябрь, «Татар-информ», Рузилә Мөхәммәтова). “Әлиф” хореографик спектакленең авторлары әлеге үзенчәлекле тамашага туры килә торган зал тапканнар. Спектакль 24 декабрь көнне Контанстин Хабенскийның «АРТХАБ» арт-резиденциясендә күрсәтеләчәк. Бу хакта мәгълүматны оештыручыларның берсе Алена Батуллина раслады.

“Безнең спектакль өчен грек амфитеатры рәвешле зал сорала. Андый заллар юк иде. Камал театрында ком белән кую мөмкинлеге булмады. Өйрәнчек театр да бик туры килмәде. Яңа зал безнең өчен уңайлы, - диде ул. – Афиша эшләнә. Билетлар сатуда булачак”.

«АРТХАБ» арт-резиденциясе Казан шәһәренең Лобачевский урамы 11/27 йорт адресы белән XIX гасыр утарында урнашкан. Залы 90 урынга исәпләнгән. «АРТХАБ» резиденциясе быел ноябрь аенда ачылды.

Мәгълүмат өчен. "Әлиф" хореографик спектакленең идея авторы, режиссеры – Казан яшь тамашачы театрының баш режиссеры Туфан Имаметдинов, хореографы - Марсель Нуриев, композиторы - Эльмир Низамов. Авторларның идеясен сәхнәдә биюче Нурбәк Батуллин гәүдәләндерә – ул татар халкында 1927 елга кадәр гамәлдә булган гарәп имласын бии.

"Әлиф" хореографик спектакле - “Алтын битлек” Милли театр премиясе номинанты.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10