ҺАВА ТОРЫШЫ -8 oC

Яңалыклар

барлык хәбәрләр Татарстан Россия
МӨҺим
21 гыйнварның төп вакыйгалары - фото һәм сылтамалар
SUPERTATAR музыкаль төркеме халыкара турын Казанда концерт белән башлап җибәрде
“Рубин” Эльмир Нәбиуллинны 6 млн еврога “Спартак” клубына бирергә әзер
Казан командасы "Россия 1" каналында "Туган тел"не җырлады
“Чәйлик – татарча сөйләшик” татарча аралашулар клубы китап базарында очрашты

Спорт

Татарстанда биатлон үзәге төзергә җыеналар

4 декабрь 2017, 18:44 , Фото: пресс-служба Федерации лыжных гонок и биатлона РТ

Татарстанда биатлон үзәге төзергә җыеналар Бу хакта Дәрвишләр бистәсендә биатлон өчен атарга өйрәнү урыны ачылышында билгеле булды.

(Казан, 4 декабрь, “Татар-информ”, Фәрит Салихов). Казанның Дәрвишләр бистәсендә атна азагында “Барс” кышкы спорт төрләре буенча республика балалар-үсмерләр спорт мәктәбе каршында биатлон өчен атарга өйрәнү урыны ачылды. Бу хакта “Татар-информ”га Татарстан Чаңгы узышлары һәм биатлон федерациясе матбугат хезмәтеннән хәбәр иттеләр.

“Ату урыны ачылу республика башкаласында биатлон үсешенә көчле этәргеч булачак. Аңа сорау зур – күнегүләр ике сменада бара. Без аңа алга таба да ярдәм итеп торачакбыз”, – ди федерация президенты Илшат Фәрдиев.

Мәктәптә биатлон буенча ике тренер эшли, 100 бала белем ала. Әлеге мәктәп бүген республика биатлончыларының база үзәге санала. Ә Чаңгы узышлары һәм биатлон федерациясенең якындагы планнарында биатлон үзәге төзү тора.

“Барс” мәктәбе каршындагы ату урынында 10 мишень төзелгән һәм анда ел әйләнәсендә, теләсә нинди һава шартларында да шөгыльләнеп була, диделәр федерациядән.

Сүз уңаеннан, ату урыны РФ Президентының ГТО һәм ДОСААФ системасын торгызу буенча бурычларын тормышка ашыру кысаларында федерация акчасына төзелгән.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр