ҺАВА ТОРЫШЫ -10 oC

Яңалыклар

барлык хәбәрләр Татарстан Россия
МӨҺим
Станислав Галиевның туган көнендә керткән голы "Ак Барс"ка җиңү китерде
Фото: Балтач районында домино ярышлары бара
Уфада “Курай даны” телевизион премиясен булдырдылар
Казанның “Динамо” волейболчылары “Уралочка” командасын тар-мар итте
17 гыйнварның төп вакыйгалары – фото һәм сылтамалар

Икътисад

Гыйнварда бюджет хезмәткәрләренең эш хаклары 4 процентка идексацияләнәчәк

11 декабрь 2017, 16:32

Гыйнварда бюджет хезмәткәрләренең эш хаклары 4 процентка идексацияләнәчәк Әлеге максатларга федераль бюджетта 22,2 миллиард сум акча каралган.

(Казан, 11 декабрь, «Татар-информ»). 2018 елның 1 гыйнварыннан Россиядә бюджет хезмәткәрләренең эш хакларын 4 процентка идексацияләячәкләр, дип белдерде хезмәт һәм социаль яклау министры Максим Топилин. Бу хакта «Интерфакс» агентлыгы хәбәр итә.

«Россия Хөкүмәтенең 2017 елның 6 декабрендәге боерыгы нигезендә, федераль учреждениеләрдә эшләүче икътисадның бюджет секторы хезмәткәрләренең эш хакы 4 процентка артачак», - дигән сүзләрен китерә Топилинның сүзләрен Россия Хезмәт һәм социаль яклау министрлыгының матбугат хезмәте.

Ведомтсво башлыгы искәрткәнчә, бу очракта барлык федераль учреждениеләр дә (автономияле, бюджет, казна) күздә тотыла. Аларга социаль өлкә һәм фән, урман хуҗалыгы, Гидрометеорология хезмәте, ветеринария, мәшгульлек хезмәте һ.б. учреждениеләр керә. «Барлыгы 2 миллион хезмәткәрнең эш хаклары артачак», - диде Топилин.

Әлеге максатларга федераль бюджетта 22,2 миллиард сум акча каралган.

Хезмәт һәм социаль яклау министры хәбәр иткәнчә, федераль бюджет хезмәткәрләренең эш хакларын күтәрү белән бергә, дәүләт һәм муниципаль бюджет учреждениеләре хезмәткәрләренең эшенә түләү фондын да 4 процентка арттыру күздә тотыла. Әлеге яңалык 2018 елның 1 гыйнварыннан үз көченә керергә тиеш.  


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр