ҺАВА ТОРЫШЫ +21 oC

Яңалыклар

барлык хәбәрләр Татарстан Россия
МӨҺим
Мәскәүдән Эльза Габдрахманова Казанда узачак "Татар кызы" конкурсында катнашырга әзерләнә
Алмаз Хәмзин: Кадим Нуруллинны циркка җибәрәләр дигәч, шаккатык - "Шәһри Казан" газетасы
Лаештагы авариядә Чувашстаннан килгән егет имгәнгән
Гомель шәһәрендә татар мәдәниятенә багышланган күргәзмә эшли
Казан триатлоны-2018 якшәмбе көнне башкала үзәгендә узачак

Мәдәният

Әлфия Авзалованы якташлары Казанда искә алачак

26 декабрь 2017, 10:38

Россиянең атказанган, Татарстанның халык артисты Әлфия Авзалованың 85 еллыгы Казанда ике көн рәттән билгеләп үтелә.

(Казан, 26 декабрь, “Татар-информ”, Мөршидә Кыямова). 15 һәм 16 гыйнварда Г.Тукай исемендәге Татар дәүләт филармониясенең концертлар залында Россиянең атказанган, Татарстанның халык артисты Әлфия Авзалованың якты истәлегенә багышланган зур концерт була. Бу хакта “Татар-информ” мәгълүмат агентлыгына филармониянең матбугат үзәге җитәкчесе Земфира Гыйльметдинова хәбәр итте.

15 гыйнварда узачак җырчының 85 еллыгы уңаеннан оештырылган моң кичәсендә Россиянең атказанган, Татарстанның халык артисты Салават Фәтхетдинов, Татарстанның халык артисты Хәмдүнә Тимергалиева, Татарстанның һәм Башкортстанның халык артисты Айдар Галимов, Татарстанның атказанган артисты Филүс Каһиров, Татарстанның атказанган артисты Раяз Фасихов, АсылъЯр, Сиринә Зәйнетдинова, Гөлназ Асаева, Артур-Марат дуэты, “Казан егетләре” төркеме, Энҗе Шәйморзина, Чулпан Йосыпова, Эльмира Гыйльфанова һәм Рафил Җәләлиев катнашачак.

Ә 16 гыйнвар көнне Г.Тукай исемендәге Татар дәүләт филармония бинасында моң патшабикәсенең якташ коллегалары чыгыш ясарга җыена. Җыр бәйрәмен Актаныш җирлегеннән чыккан барлык артистлар һәм иҗат әһелләре оештыра.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10