ҺАВА ТОРЫШЫ -18 oC

Яңалыклар

барлык хәбәрләр Татарстан Россия
МӨҺим
23 февральнең төп вакыйгалары - фото һәм сылтамалар
Татарстанда шактый салкынайтачак һәм томан төшәчәк
Татарстанда милли-мәдәни иҗтимагый оешмаларга 10 миллион бүлеп биреләчәк
#атнабай флешмобына Артем Пискунов кушылды
Бәкердә “Запорожец”лар узышты

Мәдәният

Татар дәүләт филармониясенең Яңа ел тамашаларын 28 мең тамашачы караячак

28 декабрь 2017, 13:59 , Фото: tatfil.ru

Татар дәүләт филармониясенең Яңа ел тамашаларын 28 мең тамашачы караячак Быелгы Яңа ел тамашалары Габдулла Тукай исемендәге Татар дәүләт филармониясе сәхнәсендә аншлаг белән бара.

(Казан, 28 декабрь, «Татар-информ», Рузилә Мөхәммәтова). Габдулла Тукай исемендәге Татар дәүләт филармониясе Яңа ел бәйрәмнәренә балалар өчен быел дүрт төрле спектакль тәкъдим итә. “Бәйрәм тамашалары 21 декабрьдән башланып китте һәм 7 декабрьгә кадәр дәвам итәчәк. Филармония сәхнәсендә барлыгы 48 тамаша күрсәтеләчәк”, - ди филармониянең матбугат үзәге җитәкчесе Зимфира Гыйльметдинова.

«Миллион новогодних звёзд, или Необыкновенное космическое путешествие» әкияти-музыкаль фантазиясен Татарстан халык уен кораллары дәүләт оркестры куйган. Оркестр музыкаль шлягерларны башкара, ут һәм видеоинсталляцияләр белән бара. Ул филармония сәхнәсендә 20 тапкыр күрсәтеләчәк.

Сергей Аксаковның «Аленький цветочек» әкиятен Татарстанның филармония джаз-оркестры сәхнәләштергән. Аны бүген, иртәгә, 30 һәм 31 декабрь көннәрендә күрергә мөмкин. 4 январь көнне дә өч тапкыр күрсәтәләчәк. Артистлар бу тамаша белән барлыгы унөч тапкыр чыгыш ясыйлар. Режиссеры - Татарстанның халык, Россиянең атказанган артисты Лидия Әхмәтова.

Өченче премьера – Филармониянең әдәби-музыкаль лекторий артистларыннан «Нехочуха» әкияте. Тамаша Нехочухия иленә килеп эләккән ялкау Витя турында. Сценарий авторы һәм режиссеры – Татарстанның атказанган артисты Владимир Васильев.

Филармония 2015 елда куелган һәм аншлаг белән барган «Новогодние приключения Буратино» әкиятен дә кабатлап күрсәтә.
Әдәби-музыкаль лекторий тамашалары Казанда унбиш тапкыр күрсәтелә.

Быелгы яңа ел тамашалары Габдулла Тукай исемендәге Татар дәүләт филармониясе сәхнәсендә аншлаг белән бара. Филармониянең тамаша залында 600ләп урын икәнлеген исәпкә алсак, спектакльләрне 28 меңнән артык тамашачы карый алачак.

Спектакльләр барысы да рус телендә бара.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр