ҺАВА ТОРЫШЫ +10 oC

Яңалыклар

барлык хәбәрләр Татарстан Россия

Фән һәм мәгариф

«КФУ гүзәле-2018» конкурсына 100дән артык заявка бирелгән

10 гыйнвар 2018, 19:35

«КФУ гүзәле-2018» конкурсына 100дән артык заявка бирелгән
Матурлык конкурсында КФУда белем алучы студентлар катнаша ала.

(Казан, 10 гыйнвар, «Татар-информ»). Казан федераль университетында 12 февральгә кадәр «КФУ гүзәле-2018» конкурсына заявкалар кабул итү дәвам итә. Конкурска 100дән артык заявка тапшырылган, шул исәптә чит ил студентларыннан да, дип хәбәр итә университет матбугат хезмәте.

Матурлык конкурсында КФУда белем алучы студентлар катнаша ала. Кызларның буе 170 см һәм кияүгә чыкмаган булырга тиеш.

Ярышлар берничә этаптан тора. Беренче тур 13 февральдә узачак. Кызлар ирекле формада визиткаларын тәкъдим итәчәкләр, шулай ук дефиле дә узачак.

Икенче этапка 40 катнашучы узачак. Ул 14 февральдә узачак, анда жюри әгъзалары биргән тема буенча чыгыш ясаячаклар, ә 19 февральдә кызлар иҗади номер тәкъдим итәчәк.

Бу ике этаптан соң финалга чыккан 20 кызның исеме билгеле булачак. 26 февральдә алар интеллектуаль конкурста сынашачак. Шул ук көнне “Дуслык гүзәле” ачыкланачак.

2 мартта “Уникс” мәдәни-спорт комплексында “КФУ гүзәле -2018” финалы узачак.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10