ҺАВА ТОРЫШЫ +19 oC

Яңалыклар

барлык хәбәрләр Татарстан Россия
МӨҺим
Земфира Казанда Җанатарлар фестивалендә хедлайнер була
Чаллыда янган машина йөртүчесе һәм пассажиры пешкән
Испания футболчысы Жерар Пике Казанда төшкән видео дөнья буйлап таралды
Р.Миңнеханов: Татарстанны PAX Technology Limited белән хезмәттәшлек кызыксындыра
Милли телләр буенча закон проектын эшләп бетерү һәм үзгәрешләр кертүгә 30 көн вакыт бар

Җәмгыять

Владимир Шаинский белән Америкада хушлашалар

11 гыйнвар 2018, 15:22 , Фото: ria.ru

Владимир Шаинский белән Америкада хушлашалар Мәскәүдә композитор белән хушлашу вакыты әле билгеле түгел, чөнки барлык тиешле кәгазьләрне рәсмиләштерү процедурасы бара.

(Казан, 11 гыйнвар, «Татар-информ»). Композитор Владимир Шаинский белән хушлашу кичәсе музыкантның АКШта яшәүче якыннары, танышлары, аның иҗатына баш иючеләр өчен 12 гыйнварда узачак. Музыкантның хатыны Светлана Шаинская ТАСС агентлыгы хәбәрчесе белән әңгәмә вакытында шул хакта хәбәр итте.

«Хушлашу кичәсе җомга көнне Сан-Диегодагы Crown Dance музыка студиясендә узачак», - диде ул. Кичәгә композиторның туганнары, якыннары һәм танышлары җыелачак.

Светлана Шаинская әйтүенчә, Мәскәүдә композитор белән хушлашу вакыты әле билгеле түгел, чөнки барлык тиешле кәгазьләрне рәсмиләштерү процедурасы бара. Шаинский гаиләсе композиторның мәетен яндырырга карар кылмаганлыктан, Мәскәүгә очу өстәмә процедуралар үткәрүне һәм күпсанлы документлар рәсмиләштерүне таләп итә.

Шунысын да искәртик: Шаинский Сан-Диего хастаханәсенә хәле начарайганнан соң 2017 елның 15 декабрендә китерелә һәм аңына килә алмыйча, 25 декабрь төнендә 93нче яшендә вафат була.

Владимир Шаинский — РСФСРның халык артисты, СССР Дәүләт премиясе лауреаты. Ул нәфис һәм мультипликацион фильмнар өчен язылган күпсанлы популяр җырлар авторы.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10