ҺАВА ТОРЫШЫ +19 oC

Яңалыклар

барлык хәбәрләр Татарстан Россия
МӨҺим
Земфира Казанда Җанатарлар фестивалендә хедлайнер була
Чаллыда янган машина йөртүчесе һәм пассажиры пешкән
Испания футболчысы Жерар Пике Казанда төшкән видео дөнья буйлап таралды
Р.Миңнеханов: Татарстанны PAX Technology Limited белән хезмәттәшлек кызыксындыра
Милли телләр буенча закон проектын эшләп бетерү һәм үзгәрешләр кертүгә 30 көн вакыт бар

Җәмгыять

Фәрит Мөхәммәтшин республиканың 13 җәмәгать хөкемдарына таныклык тапшырды

11 гыйнвар 2018, 16:56

Фәрит Мөхәммәтшин республиканың 13 җәмәгать хөкемдарына таныклык тапшырды Аларның тугызы беренче тапкыр, дүртесе яңадан сайланган.

(Казан, 11 гыйнвар, “Татар-информ”, Надежда Гордеева). Татарстан Республикасы Дәүләт Советы рәисе Фәрит Мөхәммәтшин җәмәгать хөкемдарларын закон нигезендә гадел карарлар кабул итәргә чакырды. Ул бу сүзләрне республика парламенты бинасында Татарстан җәмәгать хөкемдарларына таныклык тапшырганда җиткерде.

“Без сезгә закон нигезендә гадел карарлар кабул итүегезне телибез”, - дип билгеләп үтте Мөхәммәтшин.

Бүген республиканың 13 җәмәгать хөкемдары таныклык алды. Аларның тугызы беренче тапкыр, дүртесе яңадан сайланган.

Мөхәммәтшин сүзләренчә, җәмәгать хөкемдары эше бик зур әхлакый һәм психологик йөкләмә белән бәйле. “Бирегә хезмәткәрләр сайлау катгый, сезгә генә түгел, сезнең якыннарыгызга да таләпләр зурдан”, - дип искәртте ул.

Татарстан Югары суд рәисе Илгиз Гыйләҗев фикеренчә, җәмәгать хөкемдарлары намуслы, гадел, принципиаль, алга омтылышлы, объектив, шәфкатьле, эмоциональ тотнаклы, эш сөючән, сабыр, сатылмый торган булырга тиеш.

Соңгы елларда җәмәгать хөкемдарлары тарафыннан 6896 җинаять эше, 243 меңнән артык гражданлык һәм административ эшләр, шулай ук 141,3 меңләп административ хокук бозулар турындагы эшләр каралган.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10