ҺАВА ТОРЫШЫ -11 oC

Яңалыклар

барлык хәбәрләр Татарстан Россия
МӨҺим
Саратов өлкәсендәге 71432нче хәрби частьтә "Татар халык ашлары көне" уздырыла
Мәскәү ислам институтында Шиһабетдин Мәрҗанинең 200 еллыгын билгеләп үттеләр
Әтнә районында Хәкимҗан Халиковка багышланган чаралар уза
«Татар-информ» агентлыгында балалар бакчасы өчен түләүләр арту хакында сөйләячәкләр
2018 елның 1 нче июленнән коммуналь хезмәтләр өчен түләү артачак

Җәмгыять

Яңа ел бәйрәмнәрендә Татарстанга 130 мең турист килгән

11 гыйнвар 2018, 17:59 , Фото: Рамиль Гали

Яңа ел бәйрәмнәрендә Татарстанга 130 мең турист килгән    2018 елның үзенчәлеге шул: Казаннан читтәге туристлык үзәкләренә - Зөя утрау шәһәрчегенә, Болгарга һәм Алабугага кунаклар килү арткан.

(Казан, 11 гыйнвар, “Татар-информ”). Яңа ел бәйрәмнәрендә Татарстанда 130 мең турист булып киткән. Быелгы Яңа ел бәйрәме чорында туристлар килү 20 мең кешегә арткан, дип хәбәр итә Татарстанның Туризм буенча дәүләт комитеты матбугат хезмәте.

2018 елның үзенчәлеге шул: Казаннан читтәге туристлык үзәкләренә - Зөя утрау шәһәрчегенә, Болгарга һәм Алабугага кунаклар килү арткан.

Зөя утрау шәһәрчегендә 27 мең 521 турист булган - бу узган елгыдан алты процентка артыграк. Бөек Болгарда 7 мең 527 кеше кунак булган - туристлар саны узган елгы каникуллардан 20 процентка арткан. Алабуга дәүләт музей-тыюлыгына кунаклар килү узган елгыдан 38 процентка арткан һәм 5 мең 823 кешене тәшкил иткән.

Казан Кремле күрсәткечләре аеруча югары: быел анда узган елгы 96 мең урынына 180 мең турист булып киткән. Яңа ел көннәрендә “Кыш Бабай һәм Кар Кызы резиденциясе"ндә дә 6,5 мең кунак булырга өлгергән.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр