ҺАВА ТОРЫШЫ +19 oC

Яңалыклар

барлык хәбәрләр Татарстан Россия
МӨҺим
Земфира Казанда Җанатарлар фестивалендә хедлайнер була
Чаллыда янган машина йөртүчесе һәм пассажиры пешкән
Испания футболчысы Жерар Пике Казанда төшкән видео дөнья буйлап таралды
Р.Миңнеханов: Татарстанны PAX Technology Limited белән хезмәттәшлек кызыксындыра
Милли телләр буенча закон проектын эшләп бетерү һәм үзгәрешләр кертүгә 30 көн вакыт бар

Спорт

Россия биатлончылары Дөнья кубогы этабы эстафетасында бронза медаль яулады

12 гыйнвар 2018, 18:17 , Фото: biathlonrus.com

Россия биатлончылары Дөнья кубогы этабы эстафетасында бронза медаль яулады Ил спортчылары бу сезонда 29 мөмкинлектән икенче медален генә яулый.

(Казан, 12 гыйнвар, “Татар-информ”). Россиянең ир-егет биатлончылары Германиянең Рупольдингында уза торган Дөнья кубогының бишенче этабында эстафета ярышларында бронза медаль яулады.

Беренче булып финишка Норвегия биатлончылары (Ларс Хельге Биркеланн, Тарьей Бё, Эмиль Хегле Свендсен, Йоханнес Бё) килде. Алар штраф әйләнәгә кермәде, барлыгы 7 өстәмә патрон файдаланды һәм араны 1 сәгать 13 минут 11,1 секунд эчендә узды.

Составта Алексей Волков, Максим Цветков, Антон Бабиков һәм Антон Шипулин булган Россия биатлон җыелмасы 4 кенә өстәмә патрон кулланса да, алардан 53,4 секундка калышты.

Көмеш медальне Франция биатлончылары яулады.

Бу – Россия биатлончыларының сезонда яулаган икенче медале. Сезонда Россия биатлончылары 29 мөмкинлектән 2 “бронза” гына яулый алды. Беренче урында баручы Норвегиянең 19 (9-4-5) медале бар. Медальләр исәбендә Россия – 13 нче урында.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10