ҺАВА ТОРЫШЫ +32 oC

Яңалыклар

барлык хәбәрләр Татарстан Россия
МӨҺим
"Татар-информ"да хәләл продукцияне сертификатлаштыру турында сөйләшәчәкләр
Кичәге сайлаулар нәтиҗәсе буенча Төркия парламентына биш партия керде
Татарстан синоптиклары яшен һәм көчле җил турында кисәтә
Музейда “футбол төне”нә килүче җанатарларга чәй эчү традицияләре турында сөйләячәкләр
Ут белән көрәшүчеләр Лаеш районындагы полигонда пыскып яткан чүп өемен сүндерүен дәвам итә

Җәмгыять

Ренат Ибраһимов тугызынчы тапкыр әти булачак

13 гыйнвар 2018, 11:16

Ренат Ибраһимов тугызынчы тапкыр әти булачак Артист фикеренчә, “семья” җидәү дигәнне аңлата, шуңа күрә гаиләдә әти-әнидән тыш биш бала да булырга тиеш.

(Казан, 13 гыйнвар, «Татар-информ»). Ренат Ибраһимовның гаиләсе ишәячәк, Татарстанның һәм Россиянең халык артисты тугызынчы тапкыр әти булачак. Бу хакта Мәскәүдәге чараларның берсендә билгеле булды, дип хәбәр итә «СтарХит» журналы.

Чарага Ибраһимов иркен күлмәк кигән хәләл җефете Светлана Миңнеханова белән килде. Артист хатыныннан 40 яшькә олырак, аларның өч кызлары үсеп килә.

Артист фикеренчә, “семья” җидәү дигәнне аңлата, шуңа күрә гаиләдә әти-әнидән тыш биш бала да булырга тиеш.

Ибраһимовның башка никахларыннан тагын биш баласы үсә.

“Балалар тәрбияләү өчен күп көч түгәргә кирәкми. Бары тик яхшы үрнәк кенә булу зарур. Сүз белән аңлату күп очракта файдасыз. Балалар безнең гамәлләребезне кабатлыйлар”, дип саный Ибраһимов.

Узган ел артист 70 яшьлеген билгеләп үтте.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10